09:39 12 დეკემბერი 2019
პირდაპირი ეთერი
  • EUR3.2028
  • 100 RUB4.5482
  • USD2.8896
ფინანსთა სამინისტრო

საქართველოში ერთ კვირაში საგადასახადო სამართალდარღვევის 381 ფაქტი დაფიქსირდა

© Sputnik / Levan Avlabreli
შემთხვევები
მოკლე ბმულის მიღება
შემთხვევები საქართველოში (1023)
55 0 0

ყველაზე მეტი საგადასახადო სამართალდარღვევა საკონტროლო სალარო აპარატის გამოუყენებლობის გამო დაფიქსირდა.

თბილისი, 20 ნოემბერი — Sputnik. ფინანსთა სამინისტროს შემოსავლების სამსახურის საგადასახადო მონიტორინგის დეპარტამენტმა 11-17 ნოემბერს ქვეყნის მასშტაბით საგადასახადო სამართალდარღვევის 381 ფაქტი გამოავლინა, იუწყება ფინანსთა სამინისტროს შემოსავლების სამსახური

უწყების ცნობით, ფინანსთა სამინისტროს შემოსავლების სამსახურის საგადასახადო მონიტორინგის დეპარტამენტის ოფიცრებმა 3555 გადამხდელი შეამოწმეს.

კონტროლის შედეგად დაფიქსირდა შემდეგი დარღვევები: 

საქონლის სასაქონლო ზედნადების გარეშე ტრანსპორტირების 90 შემთხვევა;

ეკონომიკური საქმიანობის გადასახადის გადამხდელად საქართველოს კანონმდებლობით დადგენილი წესის დარღვევით განხორციელების 18 ფაქტი;

მომხმარებელთან ნაღდი ფულით ანგარიშსწორებისას საკონტროლო-სალარო აპარატის გამოუყენებლობის 273 შემთხვევა.

საგადასახადო სამართალდარღვევისთვის პირს საგადასახადო სანქცია ეკისრება. საგადასახადო სანქცია გამოიყენება გაფრთხილების, საურავის, ფულადი ჯარიმის, საქართველოს საბაჟო საზღვრის გადაკვეთის უფლების შეზღუდვის, სამართალდარღვევის საქონლის ან/და სატრანსპორტო საშუალების უსასყიდლოდ ჩამორთმევის სახით.

თემები:
შემთხვევები საქართველოში (1023)

მთავარი თემები