ზუგდიდის ცენტრში მამაკაცს ესროლეს – როგორია 44 წლის ზვიად ქობალიას მდგომარეობა

© Sputnik / Alexander Imedashviliსასწრაფო დახმარება
სასწრაფო დახმარება - Sputnik საქართველო
გამოწერა
დაჭრილი ზუგდიდის რეფერალურ ჰოსპიტალში იმყოფება. ექიმების განცხადებით, მის სიცოცხლეს საფრთხე არ ემუქრება.

თბილისი, 19 ნოემბერი — Sputnik. ზუგდიდში, რუსთაველის ქუჩაზე 44 წლის ზვიად ქობალია დაჭრეს, იუწყება „Sputnik-საქართველოს" კორესპონდენტი ზუგდიდიდან. 

შემთხვევის ადგილი ფოთში - Sputnik საქართველო
ფოთში ახალგაზრდა მამაკაცი ნაჯახით დაჭრეს

გავრცელებული ინფორმაციით, მამაკაცს ჭრილობა ქვედა კიდურის არეში ცეცხლსასროლი იარაღიდან აქვს მიყენებული. ის სასწრაფო სამედიცინო დახმარების სამსახურმა ზუგდიდის რეფერალურ საავადმყოფოში გადაიყვანა. მედიკოსების შეფასებით, პაციენტის ჯანმრთელობის მდგომარეობა დამაკმაყოფილებელია.

„შუახნის მამაკაცი საავადმყოფოში დაახლოებით საათ-ნახევრის წინ შემოიყვანეს, მას ქუსლთან აქვს ჭრილობა მიყენებული ცეცხლსასროლი იარაღით, მდგომარეობა სტაბილურია, პაციენტს უტარდება ქირურგიული ოპერაცია", – განაცხადა ექიმმა მაია ესებუამ.

მომხდარ ფაქტზე გამოძიება სისხლის სამართლის კოდექსის 117-ე მუხლით მიმდინარეობს, რაც ჯანმრთელობის განზრახ მძიმე დაზიანებას გულისხმობს.

ნიკა ლატარია

 

ყველა ახალი ამბავი
0