სტიქია სამტრედიაში: ძლიერი წვიმის შედეგად საცხოვრებელი სახლები დაიტბორა

© photo: Sputnik / Sputnikდატბორილი ქუჩები
დატბორილი ქუჩები - Sputnik საქართველო
გამოწერა
რამდენიმესაათიანი წვიმის შედეგად, გომის ადმინისტრაციულ ერთეულში დაიტბორა საცხოვრებელი სახლები, სახნავ-სათესი მიწები და შიდასასოფლო გზები

თბილისი, 2 ნოემბერი — Sputnik. ძლიერმა წვიმებმა სამტრედიაში პრობლემები შექმნა, იუწყება პირველი არხი.

რამდენიმესაათიანი წვიმის შედეგად, გომის ადმინისტრაციულ ერთეულში დაიტბორა საცხოვრებელი სახლები, სახნავ-სათესი მიწები და შიდასასოფლო გზები.

წყალდიდობა აჭარაში - Sputnik საქართველო
სტიქია აჭარაში: უხვმა ნალექმა პრობლემები შექმნა

მოსახლეობა ადგილობრივ ხელისუფლებას დახმარებას სთხოვს. მათი ინფორმაციით, უხვმა ნალექმა მნიშვნელოვანი ზიანი მიაყენა მოსახლეობას.

სტიქიის ზონაში იმყოფებოდა სამტრედიის მერი ვალერი ფოცხვერია, რომელიც დაზარალებულებს დახმარებას დაჰპირდა.

„მიზეზს წარმოადგენს ყუმურის, გომის, შუახისა და მასში შემავალი არხების მთიდან ჩამოსული ნაკადით ამოვსება, რამაც გამოიწვია დატბორვა. საჭიროა ყუმურისა და მასთან დამაკავშირებელი არხების გაწმენდა. მოხდება შედეგების აღწერა და კომპლექსური ღონისძიებები გატარდება“, - განაცხადა სამტრედიის მერმა.

საქართველოში მეორე დღეა წვიმს. ძლიერმა წვიმამ სერიოზული პრობლემები შექმნა აგრეთვე აჭარაში, სადაც რამდენიმე რაიონში მეწყრული პროცესები დაიწყო.

სინოპტიკოსები გამოდარებას ხვალიდან ვარაუდობენ.

ყველა ახალი ამბავი
0