22:22 02 დეკემბერი 2020
პირდაპირი ეთერი
  • EUR3.9722
  • 100 RUB4.3634
  • USD3.3185
შემთხვევები
მოკლე ბმულის მიღება
კრიმინალი საქართველოში (1212)
101 0 0

„ჯეოსელის" ოფისიდან არასრულწლოვანმა 22 სექტემბერს ხუთი მობილური ტელეფონი მოიპარა.

თბილისი, 26 სექტემბერი — Sputnik. სამართალდამცველებმა კომპანია „ჯეოსელის" ოფისის გაქურდვის ბრალდებით წარსულში ნასამართლევი, ამჟამად პირობითი მსჯავრის ქვეშ მყოფი 17 წლის მოზარდი დააკავეს, ნათქვამია შინაგან საქმეთა სამინისტროს მიერ გავრცელებულ განცხადებაში. 

შსს-ს ინფორმაციით, დაკავებულმა ქუთაისში, ილია ჭავჭავაძის გამზირზე მდებარე „ჯეოსელის" ოფისში 22 სექტემბერს ფარულად შეაღწია, სადაც გასაყიდად გამზადებული ხუთი მობილური ტელეფონი მოიპარა და შემთხვევის ადგილიდან მიიმალა.

სამართალდამცველებმა დამნაშავე მომხდარიდან რამდენიმე საათში ბაღდათში დააკავეს.

პოლიციამ დაკავებულის სახლის ჩხრეკისას მოპარული ტელეფონები ნივთმტკიცებად ამოიღო. არასრულწლოვანი დანაშაულს აღიარებს.

მომხდარ ფაქტზე გამოძიება არაერთგზის ქურდობის ფაქტზე სსკ-ის 177-ე მუხლის მესამე ნაწილის „ბ" ქვეპუნქტით მიმდინარეობს, რაც ოთხიდან შვიდ წლამდე პატიმრობას ითვალისწინებს.

თემები:
კრიმინალი საქართველოში (1212)

მთავარი თემები