თბილისი, 25 სექტემბერი — Sputnik. პოლიციამ დიდი ოდენობით ნარკოტიკის შეძენა-შენახვისა და ქვეყანაში შემოტანისთვის საქართველოს ორი მოქალაქე დააკავა, ნათქვამია შინაგან საქმეთა სამინისტროს განცხადებაში.
გამოძიებამ დაადგინა, რომ ერთ-ერთმა ქალმა საზღვარგარეთ 1,5 ათასი აბი სუბუტექსი შეიძინა, ხოლო მეორემ, მისი დავალებით, აკრძალული საქონელი საქართველოში შემოიტანა.
ერთ-ერთი დაკავებულის პირადი ჩხრეკისას პოლიციამ ბუპრენორფინის შემცველი სუბუტექსი ამოიღო, ხოლო მეორე დაკავებულის სახლიდან – 207 აბი მეტადონი, ამფეტამინის შეკვრა, ჰაშიშის შეკვრა და სხვა ნარკოტიკები. სამართალდამცველებმა ასევე იპოვეს დიდი ოდენობით თანხა.
დაკავებულ ქალებს 15-დან 20 წლამდე ან უვადო პატიმრობა ელოდებათ.
