თბილისი, 21 ივლისი - Sputnik. საქართველოში 2019 წლის იანვარ-ივნისში უგზო-უკვლოდ დაიკარგა 93 ადამიანი, აქედან 12 - ბავშვია, შსს-ს ვებგვერდზე გავრცელებული მასალების თანახმად.
თბილისში დაკარგული სამი წლის ბავშვი იპოვეს >>
პოლიცია დღემდე ვერ ახერხებს 40 ადამიანის მოძებნას, მათ შორის შვიდი ბავშვია. უგზო-უკვლოდ დაკარგულად მიიჩნევა ასევე აზერბაიჯანის ერთი და ყაზახეთის ერთი მოქალაქე.
რაც შეეხება იმათ, ვინც უკვე მოიძებნა, მათგან ექვსი გარდაცვლილია. მოიძებნა რუსეთის ერთი მოქალაქე, ბელგიის ოთხი მოქალაქე და საუდის არაბეთის ორი მოქალაქე.
საქართველოში უგზო-უკვლოდ დაკარგულად სულ 993 ადამიანი მიიჩნევა. აქედან 32 - ბავშვია.
დაკარგულების შესახებ ყველაზე მეტი შეტყობინება შსს-ში თბილისიდან შევიდა (364). მეორე ადგილზე იმერეთის, რაჭა-ლეჩხუმის და ქვემო სვანეთის რეგიონებია, სადაც 161 ადამიანი დაიკარგა. მესამე ადგილზეა შიდა ქართლი (123).