15:34 02 აპრილი 2020
პირდაპირი ეთერი
  • EUR3.5460
  • 100 RUB4.1164
  • USD3.2413
შემთხვევები
მოკლე ბმულის მიღება
ნარკოდანაშაული საქართველოში (104)
200 0 0

დაკავებულ პირებს 5-დან 8 წლამდე პატიმრობა ემუქრება.

თბილისი, 4 ივნისი — Sputnik. იუსტიციის სამინისტროს გენერალურმა ინსპექციამ ქსნის N15 პენიტენციურ დაწესებულებაში ნარკოტიკული საშუალების გადაცემის მცდელობის ფაქტზე ორი პირი დააკავა, ნათქვამია უწყების მიერ გავრცელებულ განცხადებაში.

გამოძიებამ დაადგინა, რომ 2019 წლის 4 ივნისს, N15 პენიტენციურ დაწესებულებაში გამოცხადდნენ მოქალაქეები დ.შ. და ლ.ფ., რომლებმაც მოითხოვეს მათ მიერ წარდგენილი ამანათის გადაცემა ამავე დაწესებულებაში მოთავსებული ერთ-ერთი მსჯავრდებულისათვის. ამანათის შემოწმებისას, მასში მოთავსებულ ფეხსაცმელში 4 ცალ პოლიეთილენის პარკში დაფასოებული შავი ფერის ნივთიერება აღმოჩნდა, რის შემდეგ დ.შ. და ლ.ფ. საპატიმრო დაწესებულებაშივე დააკავეს.

გენერალურ ინსპექციის საგამოძიებო სამმართველოში, N15 პენიტენციური დაწესებულებიდან მიღებული შეტყობინების საფუძველზე, სისხლის სამართლის საქმეზე გამოძიება დაიწყო  სსკ-ის 19, 378 „პრიმა“ მუხლის მე-2 ნაწილის „დ“ ქვეპუნქტით  (პენიტენციურ დაწესებულებაში ან მოთავსების სხვა ადგილას, გაყვანისას/ გადაყვანისას ან ექსტრადიციისას ბრალდებულისათვის/ მსჯავრდებულისათვის, აგრეთვე დროებითი ყოფნის იზოლატორში ან ჰაუპტვახტში მოთავსებული პირისათვის ნარკოტიკული საშუალების, მისი ანალოგის ან პრეკურსორის გადაცემის მცდელობა) და 260-ე მუხლის პირველი ნაწილით და მე-3 ნაწილის „ბ“ ქვეპუნქტით (წინასწარი შეთანხმებით ჯგუფის მიერ ნარკოტიკული საშუალების, მისი ანალოგის ან პრეკურსორის უკანონო დამზადება, წარმოება, შეძენა, შენახვა, გადაზიდვა ან გადაგზავნა).

პოლიციის „სურნელოვანი“ კამპანია: მოსახლეობას „ექსტაზის“ არომატის სუნამოები ურიგდება >>

დაკავებულ პირებს 5-დან 8 წლამდე პატიმრობა ემუქრება.

თემები:
ნარკოდანაშაული საქართველოში (104)

მთავარი თემები