თბილისი, 30 მაისი — Sputnik. გორში სასწრაფო სამედიცინო დახმარების ბრიგადის ექიმს ფიზიკურად გაუსწორდნენ, იუწყება ტელეარხი Imedi.
შემთხვევა შინდისის გმირების ქუჩაზე მდებარე ერთ-ერთ საცხოვრებელ კორპუსში მოხდა.
გავრცელებული ინფორმაციით, ადამიანი, რომელიც ექიმს დაუპირისპირდა, ფსიქიკურად გაუწონასწორებელია.
მომხდარ ფაქტზე გამოძიება 126-ე მუხლის პირველი ნაწილით დაიწყო, რაც ცემას ან ძალადობას გულისხმობს.
