18:15 25 მაისი 2019
პირდაპირი ეთერი
  • EUR3.1102
  • 100 RUB4.3044
  • USD2.7802
ხანძარი ბორჯომის ხეობაში

ხანძარი ბორჯომის ხეობაში - ცეცხლთან ბრძოლაში ვერტმფრენი ჩაერთო

© photo: Emergency Management Service / FB
შემთხვევები
მოკლე ბმულის მიღება
შემთხვევები საქართველოში (234)
20401

ბორჯომის ხეობაში ხანძრის ორი კერის ჩაქრობაში 150-მდე მეხანძრე-მაშველი მონაწილეობს

თბილისი, 15 მაისი - Sputnik. ბორჯომის ხეობაში, სოფელ საკირეს მიმდებარედ, შერეული ტყე იწვის - ხანძრის ქრობის პროცესში სასაზღვრო პოლიციის ვერტმფრენი ჩაერთო, ნათქვამია საგანგებო სიტუაციების მართვის სამსახურის განცხადებაში.

ადგილზე მუშაობს 150-მდე მეხანძრე-მაშველი, რომლებიც ერთბაშად ხანძრის ორი კერის ჩაქრობას ცდილობენ. რთული რელიეფის გამო კერებთან მიახლოებას ვერ ახერხებს სახანძრო ტექნიკა, ამიტომ ვერტმფრენის ჩართვა გახდა საჭირო.

შინაგან საქმეთა სამინისტრომ მომხდარ ფაქტზე გამოძიება საქართველოს სსკ-ს 187-ე მუხლის მე-2 ნაწილის „ა“ ქვეპუნქტით დაიწყო, რაც ცეცხლის წაკიდებით ნივთის დაზიანებას ან განადგურებას გულისხმობს. დანაშაული 3-დან 5 წლამდე ვადით თავისუფლების აღკვეთას ითვალისწინებს.

საქართველოში სიცხის დადგომისთანავე ხანძრები ხშირად ხდება. განსაკუთრებით მძიმე მდგომარეობა იყო 2017 წლის ზაფხულში. ყველაზე დიდი ხანძარი ბორჯომის ხეობაში, სოფელ დაბის ტყეში გაჩნდა. მას ექვსი დღის განმავლობაში აქრობდნენ. სპეციალისტების მონაცემებით, ხანგრძლივი ხანძრების შედეგად, ასობით ჰექტარი უნიკალური ტყე განადგურდა. ტყის ხანძრების დროს ვითარება მთიანმა რელიეფმა, ქარმა და კლიმატურმა პირობებმა გაართულა. საქართველოს ხანძრის ჩაქრობაში დახმარება აღმოუჩინეს თურქეთმა, სომხეთმა, აზერბაიჯანმა და ბელარუსმა. დახმარების მზადყოფნა რუსეთმაც გამოთქვა.

თემები:
შემთხვევები საქართველოში (234)

მთავარი თემები