სტიქია კახეთში: რა კეთდება შედეგების სალიკვიდაციოდ

© photo: Lagodekhi / FBწყალდიდობა კახეთში
წყალდიდობა კახეთში - Sputnik საქართველო
გამოწერა
რამდენიმე მუნიციპალიტეტში გაწმენდითი სამუშაოები დასრულდა

თბილისი, 7 მაისი – Sputnik. შპს „საქართველოს მელიორაცია“ მეორე დღეა კახეთში მომხდარი სტიქიის შედეგების  სალიკვიდაციო სამუშაოებშია ჩართული, იუწყება კომპანია სოციალურ ქსელში.

წყალდიდობა კახეთში - Sputnik საქართველო
კახეთს სტიქიამ კიდევ ერთხელ გადაუარა: დატბორილია ლაგოდეხისა და ახმეტის სოფლები

თელავის, საგარეჯოს, ყვარლის და ლაგოდეხის მუნიციპალიტეტებში ძლიერი წვიმის შედეგად ადიდებულმა მდინარეებმა მიმდებარე ტერიტორიები ორი დღის წინ დატბორა.

კომპანიის ცნობით, საგარეჯოს მუნიციპალიტეტში უხვი ნალექისგან დაგროვილი შლამისგან გაიწმინდა ანთოკისხევი, ლაგოდეხში მოწესრიგდა სოფელ მაწიმის და ჭიაურის სავარგულები; სტიქიით გამოწვეული სალიკვიდაციო სამუშაოები ჩატარდა თელავის მუნიციპალიტეტის სოფელ კურდღელაურსა და ფშაველში; ასევე, ყვარელში წვიმის შედეგად ადიდებული მდინარე დურუჯის მიმდებარე ტერიტორია გაიწმინდა და მოწესრიგდა.

კომპანიის ცნობით, ამ დროისთვის ძირითადი სამუშაოები დასრულებულია, დაშრობითი სამუშაოები მხოლოდ რამდენიმე ლოკაციაზე მიმდინარეობს.

ყველა ახალი ამბავი
0