17:33 16 სექტემბერი 2019
პირდაპირი ეთერი
  • EUR3.2855
  • 100 RUB4.6066
  • USD2.9607
სამაშველო სამსახური

სათაფლიის ტყეში დაკარგულ ტურისტებს შორის ორი მოზარდი იყო

© Sputnik / Alexander Imedashvili
შემთხვევები
მოკლე ბმულის მიღება
შემთხვევები საქართველოში (727)
39 0 0

ტურისტები სათაფლიის მღვიმის მოსანახულებლად იმყოფებოდნენ, შემდეგ კი ტყეში შევიდნენ და იქიდან გამოსვლა ვეღარ მოახერხეს.

თბილისი, 2 მაისი — Sputnik. მაშველებმა გზააბნეული ექვსი ტურისტი სათაფლიის ტყიდან გამოიყვანეს, ნათქვამია საქართველოს საგანგებო სიტუაციების მართვის სამსახურის განცხადებაში.

გავრცელებული ინფორმაციით, ტურისტები სათაფლიის მღვიმის მოსანახულებლად იმყოფებოდნენ, შემდეგ კი ტყეში შევიდნენ და იქიდან გამოსვლა ვეღარ მოახერხეს. გზააბნეული მოქალაქეები მაშველებმა შეტყობინების მიღებიდან 35 წუთში იპოვეს. საძიებო სამუშაოებში მეხანძრე-მაშველებთან ერთად ჩართული იყვნენ წყალტუბოს პოლიციის თანამშრომლები და რეინჯერები.

დაკარგულ ტურისტებს შორის იყვნენ ორი მოზარდი და თურქეთის ერთი მოქალაქე. ყველა მათგანი თავს კარგად გრძნობს, აცხადებენ უწყებაში.

სათაფლიის ნაკრძალი ქუთაისიდან 8 კილომეტრის დაშორებით მდებარეობს. იგი გაშენებულია 350 ჰექტარ ტერიტორიაზე, სადაც იშვიათი ჯიშის ხეები, უნიკალური მღვიმეებია და ქანები დინოზავრების განამარხებული ნაკვალევით.

სათაფლიას დასახელება თაფლთან დაკავშირებით გაჩნდა. უძველეს დროში აქ ფუტკრები ცხოვრობდნენ და ხალხი თაფლისთვის მოდიოდა.

სათაფლიაში აღმოჩენილია მტაცებელი და ბალახისმჭამელი დინოზავრების 200-მდე ნაკვალევი, რომლებიც მერგელოვან კირქვებზეა აღბეჭდილი. ნაკრძალში არის ბიოსპელეოლოგიური მუზეუმი. სათაფლიის დინოზავრების ნაკვალევი ბუნების უნიკალური მოვლენაა. გეოლოგიურ წარსულში, როცა აქ ზღვის სანაპირო იყო (50-60 მლნ წლის წინ), ამ მიდამოებში დინოზავრებმა გაიარეს და დატოვეს ნაკვალევი. ნაკვალევი ქანების ორ ფენაზეა წარმოდგენილი, რაც უნიკალური შემთხვევაა მსოფლიოში.

თემები:
შემთხვევები საქართველოში (727)

მთავარი თემები