წურბელები და მატლები სასმელ წყალში – ბაღდათის მოსახლეობა შველას ითხოვს

© Pixabay / kaboompicsონკანი
ონკანი - Sputnik საქართველო
გამოწერა
გავრცელებული ინფორმაციით, სურსათის ეროვნული სააგენტოს წარმომადგენლებმა წყლის სინჯები უკვე აიღეს.

თბილისი, 12 აპრილი — Sputnik. ბაღდათის მუნიციპალიტეტის სოფელ ფერსათის მოსახლეობამ სასმელ წყალში წურბელები და მატლები იპოვა, იუწყება სააგენტო KUTAISIPOST.GE.

ონკანი სააბაზანოში - Sputnik საქართველო
აჭარის საბავშვო ბაღებში დაბინძურებული წყალი მოდის

ადგილობრივმა მოსახლეობამ აღნიშნული ფაქტის გამო საპროტესტო აქცია გამართა და ხელისუფლებას პრობლემის მოგვარება სთხოვა.

აქციის მონაწილეების თქმით, დაახლოებით ექვსი თვეა, რაც სოფელში წყალი შეიყვანეს, თუმცა, დაბინძურების გამო, ფაქტობრივად, წყალს ვერ იყენებენ. სოფლის მოსახლეობა სასმელ წყალს მეზობელი სოფლებიდან ეზიდება.

„სასმელ წყალს მატლები მოჰყვება, მეექვსე თვეა უკვე სასმელად უვარგისი, დაბინძურებული წყალი მოდის. წურბელები და ტალახიც მოჰყვება და ვერც სასმელად და ვერც საყოფაცხოვრებოდ ვერ ვიყენებთ", – განაცხადა აქციის ერთ-ერთმა მონაწილემ.

პრობლემის მიზეზად ადგილობრივები წყლის რეზერვუარის დაბინძურებას ასახელებენ.

გავრცელებული ინფორმაციით, სურსათის ეროვნული სააგენტოს წარმომადგენლებმა წყლის სინჯები უკვე აიღეს.

 

ყველა ახალი ამბავი
0