07:27 23 მარტი 2019
პირდაპირი ეთერი
  • EUR3.0327
  • 100 RUB4.1751
  • USD2.6821
მოსამართლის ჩაქუჩი

ახალწვეულის მიმართ ფიზიკური ძალადობის ფაქტზე დაკავებულებს ბრალი წარუდგინეს

© photo: Sputnik / Vladimir Fedorenko
შემთხვევები
მოკლე ბმულის მიღება
კრიმინალი საქართველოში (63)
62 0 0

დაზარალებულის განცხადებით, ინციდენტში ხუთ რიგითი და ერთი  სერჟანტი მონაწილეობდა.

თბილისი, 16 მარტი — Sputnik. „კრწანისის“ სასწავლო ცენტრში ახალწვეულის მიმართ ფიზიკური ძალადობისა და გამოძალვის ფაქტზე დაკავებულ ორ სამხედრო მოსამსახურეს ბრალი ოფიციალურად წაუყენეს, იუწყება საზოგადოებრივი მაუწყებლის პირველი არხი.

9 მარტს კრწანისის ეროვნულ სასწავლო ცენტრში თანხის გამოძალვის მიზნით  წვევამდელ ქაზიმ გახრამანოვზე ფიზიკური ძალადობა მოხდა. პარასკევს სამხედრო პოლიციამ ორი სამხედრო მოსამსახურის დაკავების შესახებ განაცხადა.

სამხედრო პოლიციამ ქაზიმ გახრამანოვზე ფიზიკური ძალადობისა და თანხის გამოძალვის საქმეზე ლ. გ. და ა. მ. დააკავა. გამოძიების ინფორმაციით, მათ წვევამდელებზე განხორციელებული ფიზიკური და ფსიქოლოგიური ზეწოლის შედეგად რამდენიმე წვევამდელისგან მოახერხეს სახელფასო ბარათების მონაცემების მოპოვება, რათა შემდგომ მათი კუთვნილი თანხები მიეთვისებინათ.

დაზარალებული მოითხოვს ყველა იმ პირის დასჯას, ვინც ინციდენტში მონაწილეობდა.

სავარაუდოდ, დღეს ბრალდებულების აღკვეთის ღონისძიების შეფარდების საკითხზე იმსჯელებენ. 

მომხდარზე გამოძიება  სსკ 181 მუხლის, მე-2 ნაწილის „ა“ ქვეპუნქტით, ასევე  386 მუხლის, მე-2 ნაწილის “ა” და “ბ” ქვეპუნქტებით მიმდინარეობს, რაც ორი ან მეტი პირის მიმართ სამხედრო მოსამსახურეთა შორის დამოკიდებულების წესის ჯგუფურად დარღვევას ითვალისწინებს.

თემები:
კრიმინალი საქართველოში (63)

მთავარი თემები