03:30 24 აგვისტო 2019
პირდაპირი ეთერი
  • EUR3.2365
  • 100 RUB4.4581
  • USD2.9279
საპატრულო პოლიცია

სისხლიანი გარჩევა მოზარდებს შორის: დაჭრილია სამი ადამიანი

© Sputnik / Alex Shlamov
შემთხვევები
მოკლე ბმულის მიღება
კრიმინალი საქართველოში (394)
25301

დაკავებულის ჩხრეკისას პოლიციამ სამხილის სახით დანა ამოიღო.

თბილისი, 8 მარტი – Sputnik. პოლიციის თანამშრომლებმა განზრახ მკვლელობის მცდელობის ბრალდებით 16 წლის მოზარდი დააკავეს, აღნიშნულია საქართველოს შინაგან საქმეთა სამინისტროს განცხადებაში.

გამოძიებამ დაადგინა, რომ თბილისში, ჭყონდიდელის ქუჩაზე 2 მარტს მოზარდებს შორის ჩხუბი მოხდა, რომლის დროსაც ერთ–ერთმა მოზარდმა სამ არასრულწლოვანს დანით მრავლობითი დაზიანებები მიაყენა.

დაჭრილები საავადმყოფოში გადაიყვანეს. ორი კლინიკიდან გაწერეს, ერთი კვლავ განაგრძობს მკურნალობას.

მოზარდი მომხდარიდან რამდენიმე საათში დააკავეს. დანაშაულის იარაღი – დანა სამხილის სახით ამოიღეს. დაკავებულმა დანაშაული აღიარა.

გამოძიება სისხლის სამართლის კოდექსის სამი მუხლით მიმდინარეობს: განზრახ მკვლელობის მცდელობა დამამძიმებელ გარემოებებში, ჯანმრთელობის განზრახ მსუბუქი დაზიანება და ძალადობა. ბრალის დამტკიცების შემთხვევაში დაკავებულს 16-დან 20 წლამდე ან უვადო პატიმრობა ემუქრება.

თემები:
კრიმინალი საქართველოში (394)

მთავარი თემები