16:37 20 ივლისი 2019
პირდაპირი ეთერი
  • EUR3.2410
  • 100 RUB4.5787
  • USD2.8845
რუსთავი

თბილისში ძლიერმა ქარმა მოსახლეობა დააზარალა

© FB / Tv kvemo kartli
შემთხვევები
მოკლე ბმულის მიღება
უამინდობა საქართველოში (180)
166 0 0

ვარკეთილის მოსახლეობის ნაწილს გაზმომარაგება მას შემდეგ შეუწყდა, რაც გაზის მილს შენობის სახურავი დაეცა.

თბილისი, 19 თებერვალი — Sputnik. ძლიერმა ქარმა თბილისის გარეუბნების მოსახლეობას სერიოზული პრობლემები შეუქმნა, იუწყება ტელეკომპანია Rustavi2.

ისანში, სავაჭრო ცენტრ Isani Mall-თან წაიქცა ხე, რომელმაც ოთხი ავტომობილი დააზიანა. ინციდენტის შედეგად არავინ დაშავებულა.

ვარკეთილში კი ქარმა პოლიეთილენის ქარხანას სახურავი გადახადა, რომელიც გაზის მილებს დაეცა. დაზიანდა მოქალაქის ავტომობილიც, რომელსაც სახურავის ნაწილი დაეცა. ქარმა ჩამოწყვიტა ელექტროსადენებიც.

უსაფრთხოების მიზნით, დროებით შეწყდა მოსახლეობისთვის ბუნებრივი აირის მიწოდება.

ამ უქმეებზე საქართველოს მთელ ტერიტორიაზე ამინდი მკვეთრად გაუარესდა. ქვეყნის უმეტეს რაიონში ნალექი მოვიდა. ქარის სიჩქარე დროგამოშვებით წამში 28 მეტრს აღწევდა. საქართველოს ტერიტორიაზე ძლიერი ქარი და დაბალი ტემპერატურა 20 თებერვლამდე შენარჩუნდება.

 

თემები:
უამინდობა საქართველოში (180)

მთავარი თემები