21:49 18 ნოემბერი 2019
პირდაპირი ეთერი
  • EUR3.2779
  • 100 RUB4.6531
  • USD2.9723
სასწრაფო დახმარება

აჭარისწყალში ავტომობილი გადავარდა – დაღუპულია 35 წლის ქალი

SPUTNIK / LEVAN AVLABRELI
შემთხვევები
მოკლე ბმულის მიღება
საქართველოს რეგიონები -2018 (451)
12502

უბედური შემთხვევის შედეგად ოთხი ადამიანი დაშავდა.

თბილისი, 13 თებერვალი — Sputnik. ქედის მუნიციპალიტეტში მომხდარი ავტოსაგზაო შემთხვევის შედეგად 35 წლის ქალი დაიღუპა, ავტომობილში მსხდომი ოთხი მგზავრი კი დაშავდა, იუწყება აჭარის ტელევიზია.

შემთხვევა სოფელ ცხემნართან გუშინ, საღამოს მოხდა.

გავრცელებული ინფორმაციით, მსუბუქი ავტომანქანა, რომელშიც ნათესავები ისხდნენ, მდინარე აჭარისწყალში გადავარდა.

შემთხვევის ადგილზე მობილიზებული იყვნენ სასწრაფო სამედიცინო დახმარების ბრიგადები და საპატრულო პოლიციის ეკიპაჟები. მდინარიდან დაშავებულები მაშველებმა ამოიყვანეს.

დაშავებულებს შორის მხოლოდ ერთს დასჭირდა ჰოსპიტალიზაცია. იგი ბათუმის რეფერალურ საავადმყოფოში გადაიყვანეს. ექიმების თქმით, მას შედარებით მძიმე დაზიანებები აღენიშნებოდა. სამ მგზავრს კი, რომლებიც შედარებით მსუბუქად იყვნენ დაშავებული, პირველადი სამედიცინო დახმარება ადგილზე გაუწიეს.

საქმეზე გამოძიება საქართველოს სსკ-ის 276-ე მუხლის მეხუთე ნაწილით დაიწყო, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს, რამაც ადამიანის სიცოცხლის მოსპობა გამოიწვია.

 

თემები:
საქართველოს რეგიონები -2018 (451)

მთავარი თემები