თბილისი, 13 ნოემბერი — Sputnik. ქარელის მუნიციპალიტეტის სოფელ შაქშაქეთში მდებარე ერთ-ერთ საცხოვრებელ სახლში გაჩენილ ხანძარს 50 წლის მამაკაცი ემსხვერპლა, ნათქვამია საგანგებო სიტუაციების მართვის სააგენტოს მიერ გავცრელებულ განცხადებაში.
ხანძარი ორსართულიან საცხოვრებელ სახლში გაჩნდა. სააგენტოს ცნობით, ცეცხლის ქრობის პროცესში მეხანძრე-მაშველებმა ოთახში 50 წლის მამაკაცის გვამი აღმოაჩინეს.
დამწვარია სახლის სახურავი - 120 კვადრატული მეტრი ფართობი. ამ დროისთვის ხანძარი ლიკვიდირებულია.
შემთხვევის ადგილზე ორი სახანძრო-სამაშველო ბრიგადა მუშაობდა.
ხანძრის გაჩენის მიზეზი ჯერჯერობით უცნობია.
