თბილისი, 23 ოქტომბერი — Sputnik. მარტვილის მუნიციპალიტეტის სოფელ მუხურჩაში 65 წლის მამაკაცს თევზის საჭერი მოწყობილობა აუფეთქდა, იუწყება ტელეკომპანია Rustavi2.
19 ნოემბერი 2017, 16:57
გავრცელებული ინფორმაციით, თევზის საჭერი მოწყობილობა, სავარაუდოდ, კუსტარულად იყო დამზადებული.
დაშავებული სასწრაფო სამედიცინო დახმარების ბრიგადამ მარტვილის საავადმყოფოში გადაიყვანა. მამაკაცს თითების ამპუტაცია დასჭირდა.
ექიმების ინფორმაციით, მისი ჯანმრთელობის მდგომარეობა ამ დროისთვის დამაკმაყოფილებელია.
მომხდარ ფაქტზე გამოძიება სისხლის სამართლის კოდექსის 124-ე მუხლით დაიწყო, რაც გაუფრთხილებლობით ჯანმრთელობის ნაკლებად მძიმე ან მძიმე დაზიანებას გულისხმობს.
