თბილისი, 21 ოქტომბერი - Sputnik. ახალგაზრდა ქალის გაუპატიურების მცდელობის გამო რუსთავში 26 წლის მამაკაცი დააკავეს, ნათქვამია სააგენტო „ინფო რუსთავის“ მიერ გავრცელებულ განცხადებაში.
შემთხვევა რუსთავში, 21-ე მიკრორაიონში გუშინ საღამოს მოხდა. არსებული ინფორმაციით, ერთ-ერთი საცხოვრებელი კორპუსის სადარბაზოში 30 წლამდე ქალს მამაკაცი თავს დაესხა და მისი გაუპატიურება სცადა.
ქალის ყვირილის ხმა გამვლელმა გაიგო და პოლიციაში დარეკა. თვითმხილველების განცხადებით, შემთხვევის ადგილზე სასწრაფო-სამედიცინო დახმარების, საპატრულო და კრიმინალური პოლიციის ეკიპაჟები მივიდნენ. მამაკაცმა მიმალვა სცადა, თუმცა სამართალდამცველებმა ის მეზობელ ეზოში რამდენიმე წუთში დააკავეს.
შემთხვევა 19 ოქტომბერს მოხდა.
ფაქტზე გამოძიება დაწყებულია საქართველოს სსკ-ის 126-ე და 150-ე მუხლით, რაც ძალადობას და ადამიანისათვის ქმედების თავისუფლების უკანონო შეზღუდვას გულისხმობს.
