16:38 15 დეკემბერი 2019
პირდაპირი ეთერი
  • EUR3.2024
  • 100 RUB4.6032
  • USD2.8647
სახანძრო მანქანა

ატენის ხეობაში ტყეში გაჩენილი ხანძარი ჩააქრეს

© Sputnik / Alexander Imedashvili
შემთხვევები
მოკლე ბმულის მიღება
დიდი ხანძრები საქართველოში (11)
61 0 0

დამწვარია 8 ჰექტრამდე ფართობი

თბილისი, 5 სექტემბერი — Sputnik. შიდა ქართლში, ატენის ხეობაში ტყეში გაჩენილი ხანძარი ლიკვიდირებულია, იუწყება საგანგებო სიტუაციების მართვის სამსახური.

ბოლო მონაცემებით, დამწვარია 8 ჰექტრამდე ფართობი.

შინაგან საქმეთა სამინისტრომ გამოძიება ცეცხლთან ან საფრთხის წყაროსთან გაუფრთხილებელი მოპყრობით ნივთის დაზიანების და განადგურების ფაქტზე, სსკ-ის 188-ე მუხლის მეორე ნაწილით დაიწყო.

ამ დროისთვის ადგილზე იმყოფებიან  საგანგებო სიტუაციების მართვის სამსახურის სახანძრო-სამაშველო ძალების დეპარტამენტის უფროსი ალექსანდრე ხვადაგიანი, შიდა ქართლის გუბერნატორი გიორგი ხოჯევანიშვილი, შინაგან საქმეთა სამინისტროს შიდა ქართლის პოლიციის დეპარტამენტის ხელმძღვანელი და სამართალდამცავი სტრუქტურების სხვა წარმომადგენლები.

ხეობაში ცეცხლის ორი კერა ტყის მასივში გაჩნდა. ხანძრის ქრობის პროცესში ჩართული იყო სახანძრო-სამაშველო ტექნიკა, ადგილზე მუშაობდა საგანგებო სიტუაციების მართვის სამსახურის 50-მდე მეხანძრე-მაშველი.

საგანგებო სიტუაციების მართვის სამსახურის ცნობით, მონიტორინგის მიზნით ხანძრის ადგილზე რამდენიმე სახანძრო-სამაშველო ჯგუფი მთელი ღამის განმავლობაში დარჩება.


თემები:
დიდი ხანძრები საქართველოში (11)

მთავარი თემები