თბილისი, 11 აგვისტო — Sputnik. შინაგან საქმეთა სამინისტროს აჭარის პოლიციის დეპარტამენტის თანამშრომლებმა, პროსტიტუციისთვის ადგილის გადაცემის ფაქტზე 12 პირი დააკავეს, ნათქვამია უწყების მიერ გავრცელებულ განცხადებაში.
10 აგვისტო 2018, 13:39
გამოძიების ინფორმაციით, მხილებული ტაილანდის და ჩინეთის მოქალაქეები ბათუმში დროებით მფლობელობაში არსებულ მასაჟის სალონებში გასამრჯელოს სანაცვლოდ, მოქალაქეებს პროსტიტუციისთვის სისტემატურად ფართს უთმობდნენ.
სისხლის სამართლის საქმე სსკ-ის 254-ე მუხლით მიმდინარეობს, რაც წინასწარი შეთანხმებით ჯგუფის მიერ პროსტიტუციისთვის ადგილის გადაცემას გულისხმობს და 3-დან 6 წლამდე ვადით თავისუფლების აღკვეთას ითვალისწინებს.
