თბილისი, 23 ივნისი — Sputnik. საგანგებო სიტუაციების მართვის სამსახურის თანამშრომლებმა 20 წლის ტურისტი გადაარჩინეს, რომელიც ლომისის მთაზე სალოცავთან ფეხის დაზიანების გამო ჩარჩა.
ინციდენტი პარასკევს მოხდა.
ამჟამად ახალგაზრდა მამაკაცი საავადმყოფოშია და ექიმების თქმით, მის სიცოცხლეს საფრთხე არ ემუქრება.
ლომისა — უძველესი სალოცავია, წმინდა გიორგის სახელობის ეკლესია, რომელიც მდინარეების ქსნისა და არაგვის წყალგამყოფი ქედის უღელტეხილზე მდებარეობს. ქართული ხუროთმოძღვრების ეს ძეგლი IX-X საუკუნეებს ეკუთვნის.
