18:25 21 ივნისი 2018
პირდაპირი ეთერი
  • EUR2.8414
  • 100 RUB3.8647
  • USD2.4573
დაკავება

ქუთაისში ნარკორეალიზატორი დააკავეს

CC BY 2.0 / Tar Sands Blockade / Darryl Hannah in Handcuffs
შემთხვევები
მოკლე ბმულის მიღება
კრიმინალი საქართველოში (539)
51 0 0

გამოძიებით დადგინდა, რომ ბრალდებული ნარკოტიკულ საშუალებას სისტემატურად ყიდდა.

თბილისი, 12 ივნისი — Sputnik. საქართველოს შინაგან საქმეთა სამინისტროს თანამშრომლებმა ქუთაისში ნარკოდანაშაულის ბრალდებით 45 წლის მამაკაცი დააკავეს, ნათქვამია უწყების მიერ გავრცელებულ განცხადებაში.

სამართალდამცველებმა დაკავებულის პირადი ჩხრეკისას ნივთმტკიცების სახით ამოიღეს 10 შეკვრად დაფასოებული „სუბოქსინის" ფხვნილი, ერთჯერად საინექციო შპრიცში მოთავსებული „ბუპრენორფინის" შემცველი სითხე და ნარკოტიკების უკანონო რეალიზაციის შედეგად მიღებული თანხა — 2 720 ლარი. გარდა ამისა, ბრალდებულის საცხოვრებელი სახლის ჩხრეკისას ამოღებულია ნარკოტიკული საშუალებების უკანონო რეალიზაციის შედეგად მიღებული თანხა — 250 ევრო და 100 ლარი.

გამოძიებით დადგინდა, რომ ბრალდებული ნარკოტიკულ საშუალებას სისტემატურად ყიდდა.

მომხდარ ფაქტზე გამოძიება მიმდინარეობს სსკ-ის 260-ე მუხლის პირველი და მეოთხე ნაწილებით („ნარკოტიკული საშუალების, მისი ანალოგის ან ახალი ფსიქოაქტიური ნივთიერების უკანონო დამზადება, წარმოება, შეძენა, შენახვა, გადაზიდვა ან გადაგზავნა") რაც ითვალისწინებს 6-დან 11 წლამდე ვადით თავისუფლების აღკვეთას.

თემები:
კრიმინალი საქართველოში (539)

მთავარი თემები