თბილისი, 23 თებერვალი — Sputnik. ვაზისუბნის დასახლებაში საცხოვრებელ კორპუსში გაჩენილი ხანძრის შედეგად 60 წლის მამაკაცი დაიღუპა, იუწყება ტელეკომპანია Rustavi 2.
გავრცელებული ინფორმაციით, ხანძრის გამომწვევ სავარაუდო მიზეზად სიგარეტს ასახელებენ — ვარაუდობენ, რომ მამაკაცს ანთებული სიგარეტით ჩაეძინა.
როგორც „Sputnik–საქართველოს" საგანგებო სიტუაციების მართვის სააგენტოში განუცხადეს, ცეცხლი საცხოვრებელი ბინის ერთ ოთახში გაჩნდა.
შემთხვევის ადგილზე მობილიზებული იყო ხუთი სახანძრო-სამაშველო ბრიგადა, ხანძრის ლიკვიდაცია დროულად მოხდა.
მომხდარ ფაქტზე გამოძიება მიმდინარეობს სსკ-ის 187-ე მუხლით („ნივთის დაზიანება ან განადგურება, რამაც გაუფრთხილებლობით ადამიანის სიცოცხლის მოსპობა გამოიწვია").
