00:57 05 ივლისი 2020
პირდაპირი ეთერი
  • EUR3.4221
  • 100 RUB4.2811
  • USD3.0465
შემთხვევები
მოკლე ბმულის მიღება
კრიმინალი საქართველოში – 2018 (1086)
154 0 0

ბრალდებულმა უცხო ქვეყნის მოქალაქეს ზუგდიდში რესტორნის მშენებლობის ნებართვის გაცემისა და სამშენებლო პროექტის დამტკიცების სანაცვლოდ, ქრთამის სახით 20 000 აშშ დოლარი მოსთხოვა

თბილისი, 4 დეკემბერი — Sputnik. საქართველოს სახელმწიფო უსაფრთხოების სამსახურის (სუს-ი) თანამშრომლებმა დიდი ოდენობით ქრთამის აღების ფაქტზე ზუგდიდის მუნიციპალიტეტის მერიის ზედამხედველობისა და არქიტექტურის სამსახურის უფროსი სპეციალისტი რამაზ ბეჭვაია დააკავეს, ნათქვამია უწყების მიერ გავრცელებულ განცხადებაში.

გამოძიებით დადგინდა, რომ ბრალდებულმა უცხო ქვეყნის მოქალაქეს, ზუგდიდში რესტორნის მშენებლობის ნებართვის გაცემისა და სამშენებლო პროექტის დამტკიცების სანაცვლოდ, ქრთამის სახით 20 000 აშშ დოლარი მოსთხოვა.

სუს-ის ინფორმაციით, ანტიკორუფციული სააგენტოს თანამშრომლებმა მიმდინარე წლის 30 ნოემბერს ბრალდებული მას შემდეგ დააკავეს, რაც მან წინასწარ აიღო მოთხოვნილი თანხის ნაწილი — 10 000 აშშ დოლარი.

„ვადასტურებ, რომ დაკავებულია ზუგდიდის მერიის ზედამხედველობისა და არქიტექტურის სამსახურის ერთ-ერთი თანამშრომელი. მიმდინარეობს გამოძიება, დამატებით ინფორმაციას არ ვფლობთ… თუმცა აქვე აღვნიშნავთ, რომ ნებისმიერი გადაცდომა იქნება კანონის შესაბამისად უმკაცრესად დასჯილი", — განაცხადა „Sputnik — საქართველოსთან“ ზუგდიდის მუნიციპალიტეტის მერიის საზოგადოებასთან ურთიერთობის სამსახურის უფროსმა მაგდალინა თოდუამ.

გამოძიება საქართველოს სსკ-ის 338-ე მუხლის მე-3 ნაწილით მიმდინარეობს, რაც განსაკუთრებით დიდი ოდენობით ქრთამის აღებას გულისხმობს და ითვალისწინებს თავისუფლების აღკვეთას 11-დან 15 —წლამდე ვადით.

შოთა ნოზაძე

თემები:
კრიმინალი საქართველოში – 2018 (1086)
თეგი:
ქურდობა, თაღლითობა

მთავარი თემები