თბილისი, 27 ივნისი — Sputnik. ბათუმში, თამარ მეფის გამზირზე მსუბუქი ავტომობილი 9 წლის ბიჭს დაეჯახა, იუწყება „აჭარის ტელევიზია".
შემთხვევის ადგილზე გამოძახებული იყო სასწრაფო სამედიცინო დახმარება, მაგრამ მედიკოსთა ბრიგადას ბავშვი გარდაცვლილი დახვდა.
ბათუმის სასწრაფო დახმარების ცენტრის ხელმძღვანელის მინდია კახიძის ინფორმაციით, გარდაცვლილი პროზექტურაშია გადაყვანილი.
შემთხვევის ადგილზე ექსპერტ-კრიმინალისტები მუშაობენ.
თამარ მეფის გამზირზე ამ დროისთვის საავტომობილო მოძრაობა შეფერხებულია.
ფაქტზე გამოძიება სისხლის სამართლის კოდექსის 276-ე მუხლით მიმდინარეობს, რაც ავტომობილის ექსპლუატაციის წესების დარღვევას გულისხმობს, რასაც მსხვერპლი მოჰყვა და ისჯება თავისუფლების აღკვეთით ვადით ოთხიდან შვიდ წლამდე.
