23:24 20 სექტემბერი 2018
პირდაპირი ეთერი
  • EUR3.0606
  • 100 RUB3.9087
  • USD2.6179
ნიცაში გლოვაა

საგარეო საქმეთა სამინისტრო: ნიცის ტერაქტის დროს საქართველოს მოქალაქე დაიღუპა

© REUTERS / PASCAL ROSSIGNOL
შემთხვევები
მოკლე ბმულის მიღება
ნიცის ტერაქტი (17)
74 0 0

რომან ეკმალიანი და მისი მეუღლე ნიცის ტერაქტის მსხვერპლი გახდნენ.

თბილისი, 18 ივლისი — Sputnik. ფრანგულმა მხარემ ოფიციალურად დაადასტურა, რომ ნიცის ტერაქტისას დაღუპულთა შორის არის საქართველოს მოქალაქე — 1960 წელს დაბადებული რომან ეკმალიანი.

საფრანგეთში საქართველოს საკონსულომ დაღუპულის ოჯახს ამის შესახებ უკვე აცნობა. ბოლო წლებში ეკმალიანი ბელგიაში ცხოვრობდა.

„საქართველოს საგარეო საქმეთა სამინისტრო ღრმა მწუხარებას გამოთქვამს მომხდარი ტერორისტული აქტის შედეგად საქართველოს მოქალაქის დაღუპვასთან დაკავშირებით და უსამძიმრებს გარდაცვლილის ოჯახს. საქართველო გმობს ტერორიზმის ნებისმიერ გამოვლინებას. მიგვაჩნია, რომ აღნიშნული ტერორისტული თავდასხმა წარმოადგენს სასტიკ დანაშაულს კაცობრიობის წინაშე და მიმართულია მსოფლიოში მშვიდობის წინააღმდეგ", — ნათქვამია საქართველოს საგარეო საქმეთა სამინისტროს განცხადებაში.

მასმედიაში გავრცელებული ინფორმაციით, ეკმალიანი ნიცაში მეუღლესთან ერთად იმყოფებოდა, რომელიც ასევე დაიღუპა ტერაქტის შედეგად. ის საფრანგეთის მოქალაქე იყო.

ხუთშაბათს, საღამოს სატვირთო მანქანა ხალხის მასაში შეიჭრა. ისინი ნიცაში ინგლისურ სანაპიროზე ფეიერვერკების სანახავად იყვნენ შეკრებილი ბასტილიის აღების დღესთან დაკავშირებით. ტერაქტის შედეგად დაიღუპა 84 ადამიანი. ბევრი ადამიანი კრიტიკულ მდგომარეობაში საავადმყოფოებში იმყოფება.

ტერაქტი ტუნისური წარმოშობის საფრანგეთის მოქალაქემ, ნიცაში მცხოვრებმა მოჰამედ ლაჰუაიეჯ ბუჰლელმა განახორციელა. შაბათს ცნობილი გახდა, რომ ტერაქტზე პასუხისმგებლობა ტერორისტულმა ორგანიზაცია „ისლამურმა სახელმწიფომ“ აიღო.

თემები:
ნიცის ტერაქტი (17)

მთავარი თემები