00:13 30 ოქტომბერი 2020
პირდაპირი ეთერი
  • EUR3.7970
  • 100 RUB4.1230
  • USD3.2345
საქართველოში
მოკლე ბმულის მიღება
საქართველოს თავდაცვა (103)
76 0 0

სწავლებაში, რომელიც ვაზიანის სამხედრო ბაზაზე 7 სექტემბრიდან მიმდინარეობდა, ხუთი ქვეყნის 2,8 ათასი სამხედრო მოსამსახურე მონაწილეობდა

თბილისი, 18 სექტემბერი – Sputnik. რიგით მეხუთე მრავალეროვნული სასარდლო–საშტაბო სწავლება „ღირსეული პარტნიორის“ (Noble Partner) საზეიმო დახურვის ცერემონია სამხედრო ბაზა „ვაზიანზე“ გაიმართა.

Международные военные учения НАТО Надежный партнер - 2020 (Noble Partner 2020). Церемония закрытия
© Sputnik / STRINGER
სამხედრო სწავლება „ღირსეული პარტნიორი 2020“. დახურვის ცერემონია

სწავლება ნატოს ეგიდით 7 სექტემბერს დაიწყო – საქართველომ აშშ-სა და პარტნიორ ქვეყნებს შორის თავსებადობის სრულყოფაზე იმუშავა.

Международные военные учения НАТО Надежный партнер - 2020 (Noble Partner 2020). Церемония закрытия
© Sputnik / STRINGER
სამხედრო სწავლება „ღირსეული პარტნიორი 2020“. დახურვის ცერემონია

დახურვის ცერემონიაში მონაწილეობდნენ საქართველოს პრეზიდენტი სალომე ზურაბიშვილი, პარლამენტის თავმჯდომარე არჩილ თალაკვაძე, თავდაცვის მინისტრი ირაკლი ღარიბაშვილი, პარლამენტის დეპუტატები, მთავრობის წევრები და პარტნიორი ქვეყნების წარმომადგენლები.

Международные военные учения НАТО Надежный партнер - 2020 (Noble Partner 2020). Церемония закрытия
© Sputnik / STRINGER
სამხედრო სწავლება „ღირსეული პარტნიორი 2020“. დახურვის ცერემონია

„გლობალური პანდემიის მიუხედავად, მრავალეროვნული სწავლების საქართველოში ჩატარება უსაფრთხოების ზომების მაქსიმალური დაცვით მუდმივად მზარდი თანამშრომლობის ნათელი მაგალითია“, განაცხადა პრეზიდენტმა, თავდაცვის ძალების მთავარსარდალმა სალომე ზურაბიშვილმა. მან განაცხადა, რომ საქართველოს მიზანია თანამედროვე, ბრძოლისუნარიანი და ნატოსთან თავსებადი თავდაცვის ძალების ჩამოყალიბება.

ღონისძიების მსვლელობისას დააჯილდოეს სწავლების მონაწილეები, მათ შორის უცხოელი სამხედრო მოსამსახურეები, რომლებსაც საქართველოს თავდაცვის სამინისტროს ახალი მედლები „ღირსეული პარტნიორი“ გადაეცათ.

დახურვის ცერემონიამდე გაიმართა საჩვენებელი სწავლება – ოპერაცია „ოკასუსის ფარი“, რომელიც სამ კომპონენტს მოიცავდა – თავდაცვითი ოპერაციები, გარღვევა და კონტრშეტევა.

„სწავლების ფარგლებში სხვადასხვა ქვეყნის ჯარისკაცებმა საკუთარი საბრძოლო შესაძლებლობები და მრავალეროვნულ გარემოში კოორდინირებული მოქმედების უნარები გამოავლინეს“, – განაცხადა თავდაცვის მინისტრმა ირაკლი ღარიბაშვილმა.

Международные военные учения НАТО Надежный партнер - 2020 (Noble Partner 2020). Церемония закрытия
© Sputnik / STRINGER
სამხედრო სწავლება „ღირსეული პარტნიორი 2020“. დახურვის ცერემონია

წვრთნების სცენარი ითვალისწინებს სასარდლო–საშტაბო და საველე სწავლებას საბრძოლო სროლით, მანევრების და საბრძოლო მხარდაჭერის ელემენტების ურთიერთქმედებას თავდაცვით და შეტევით ოპერაციებში.

Международные военные учения НАТО Надежный партнер - 2020 (Noble Partner 2020). Церемония закрытия
© Sputnik / STRINGER
სამხედრო სწავლება „ღირსეული პარტნიორი 2020“. დახურვის ცერემონია

ნატოსთან ერთობლივი წვრთნები „ღირსეული პარტნიორი“ ბოლოს 2019 წლის 27 ივლისი – 9 აგვისტოს ჩატარდა. რუსეთის საგარეო საქმეთა სამინისტროში არაერთხელ განაცხადეს, რომ მოსკოვი არ ეთანხმება თბილისის პოზიციას იმის თაობაზე, რომ სწავლება შავი ზღვის რეგიონში სტაბილურობას უწყობს ხელს.

თემები:
საქართველოს თავდაცვა (103)

მთავარი თემები