საქართველოს ადგილი ბედნიერი ქვეყნების რეიტინგში: ეთიოპიასა და სომხეთს შორის

© Sputnik / Alexander Imedashviliთბილისი, ავტობუსის გაჩერება
თბილისი, ავტობუსის გაჩერება - Sputnik საქართველო
გამოწერა
„ბედნიერების რეიტინგი“ ყოველწლიურად დგება ბედნიერების საერთაშორისო დღესთან დაკავშირებით, რომელიც 20 მარტს აღინიშნება.

თბილისი, 15 მარტი — Sputnik. საქართველომ ბედნიერების ინდექსით რეიტინგში, რომელიც სპეციალურად მომზადდა გაეროსთვის, მსოფლიოს 156 ქვეყანას შორის 128-ე ადგილი დაიკავა.

გასული წლის შედეგებთან შედარებით, საქართველომ სამი პუნქტით ქვემოთ დაიწია და ეთიოპიასა და სომხეთს შორის განთავსდა. როგორც კვლევაშია ნათქვამი, 2008-2010 წლებთან შედარებით, ქვეყნის ბედნიერების დონე ახლა უფრო მაღალია.

გარდა ამისა, საქართველო 117 ქვეყანას შორის 110-ე ადგილზე აღმოჩნდა ბედნიერების მხრივ იმ უცხოელებისთვის, რომლებიც ქვეყნის ტერიტორიაზე იმყოფებიან, და 22-ე ადგილზე ემიგრანტებისთვის ნაკლებად მისაღები ცხოვრების პირობების მქონე ქვეყნებს შორის.

​აღნიშნულ რეიტინგში საქართველოს მეზობლებმა შემდეგი პოზიციები დაიკავეს:

  • აზერბაიჯანმა – 87-ე ადგილი, თურქეთმა – 74-ე ადგილი
  • რუსეთმა – 59-ადგილი
  • სომხეთმა – 129-ე ადგილი.

უბედნიერესი ქვეყნების ხუთეულში შევიდნენ: ფინეთი, ნორვეგია, დანია, ისლანდია და შვეიცარია.

უბედური ქვეყნების პირველი ხუთეული კი ასე გამოიყურება: იემენი, ტანზანია, სამხრეთ სუდანი, ცენტრალური აფრიკის რესპუბლიკა და ბურუნდი.

„ბედნიერების რეიტინგი“ ყოველწლირად დგება ბედნიერების საერთაშორისო დღესთან დაკავშირებით, რომელიც 20 მარტს აღინიშნება. კვლევისას ფასდება ისეთი კრიტერიუმები, როგორებიცაა: სიცოცხლის მოსალოდნელი ხანგრძლივობა, რთულ ვითარებაში სოციალური მხარდაჭერა, მთავრობისადმი ნდობა, გადაწყვეტილების მიღების თავისუფლება ყოველდღიურ ცხოვრებაში, ასევე ქველმოქმედებისთვის გაღებული სახსრების რაოდენობა.

ყველა ახალი ამბავი
0