11:26 26 ნოემბერი 2020
პირდაპირი ეთერი
  • EUR3.9424
  • 100 RUB4.3806
  • USD3.3138
ფოტო

რატომ შეიჭრა ქართველი რობინ ჰუდი მიკროსაფინანსო ორგანიზაციაში თბილისში - ფოტო

მოკლე ბმულის მიღება
65 0 0
  • მძევლების აყვანის შესახებ ინფორმაცია ბევრისთვის შოკის მომგვრელი აღმოჩნდა
  • წერეთლის გამზირი ოპერატიულად გადაიკეტა
  • უცნობი მამაკაცი მიკროსაფინანსო ორგანიზაცია „MBC“-ში შეიჭრა, რომელიც წერეთლის გამზირზე პოლიციის განყოფილებიდან რამდენიმე მეტრში მდებარეობს
  • შემთხვევის ადგილზე მივიდა პოლიცია
  • უცნობთან, რომელმაც მძევლად 17 ადამიანი აიყვანა, მოლაპარაკებები დაიწყო
  • თავდაპირველი ინფორმაციით, თავდამსხმელი მძევლებს ხელყუმბარით ემუქრებოდა, თუმცა მოგვიანებით გაირკვა, რომ ეს მხოლოდ ყუმბარის ფორმის სანთებელა იყო
  • თავდასხმისათვის დაკავებულმა ლევან ზურაბაშვილმა ვიდეომიმართვა გაავრცელა სოციალური ქსელების საშუალებით. ის მოითხოვდა საბანკო პროცენტის 7-მდე დაწევას, აზარტული თამაშების აკრძალვასა და წამლებზე ფასების დაწევას
  • მედიის წარმომადგენლებმა და სოცქსელების მომხმარებლებმა ზურაბაშვილს „ქართველი რობინ ჰუდი“ შეარქვეს
  • მოლაპარაკებების დროს ყველა მძევლის გათავისუფლება მოხერხდა. სპეცოპერაცია ოთხ საათზე მეტხანს გაგრძელდა
  • თავდაპირველი ინფორმაციით, თავდამსხმელი ალკოჰოლის ზემოქმედების ქვეშ იყო, თუმცა მისი ადვოკატი ირწმუნება, რომ მისი დაცვის ქვეშ მყოფი ფხიზელი იყო
  • შალვა ნათელაშვილმა ბრალდებულის მოთხოვნებთან დაკავბშირებით საკუთარ Facebook გვერდზე პოსტი გამოაქვეყნა: „ჩვენ ამას წლებია ვითხოვთ“. ხელისუფლებას მოვუწოდებ დააკმაყოფილოს მძარცველის მოთხოვნები“, - წერს ნათელაშვილი
  • Facebook -ზე სხვადასხვა ადამიანები ტოვებდნენ კომენტარებს: „კეთილი მძარცველია, ხელი არ ახლოთ“, „ხვალ ხმას შენ მოგცემთ, რომელი ნომრით მონაწილეობ?“, „შენ ღმერთმა გამოგაგზავნა, შენი ადგილი პარლამენტშია. იქ ეხლა ბევრი ვაკანსიაა“, „მისი მძევლებიც კი კარგ ხასიათზე არიან“
  • მომხდარი ამყარებს აზრს, რომ აზარტული თამაშებისა და საბანკო კრედიტების პრობლემა მართლაც ძალიან მტკივნეული საკითხებია ქართველი საზოგადოებისათვის
  • მალე ახალი წელი მოვა,თუმცა განწყობა ბევრს საერთოდ არ აქვს, მიუხედავად ქუჩაში დამონტაჟებული საახალწლო ილუმინაციებისა. ალბათ, სწორედ ამიტომ მიიღო თავდამსხმელმა რიგითი მოქალაქეებისაგან უფრო მეტი თანაგრძნობა, ვიდრე განსჯა. როგორ დასჯიან მას ჩადენილისათვის - ამას სასამართლო გადაწყვეტს
© Sputnik / Alexander Imedashvili
მძევლების აყვანის შესახებ ინფორმაცია ბევრისთვის შოკის მომგვრელი აღმოჩნდა

საპარლამენტო არჩევნების მეორე ტურის წინა დღეს თბილისის ცენტრში მდებარე მიკროსაფინანსო ორგანიზაციაში მძევლების აყვანამ უამრავი შეკითხვა გააჩინა. იხილეთ Sputnik-საქართველოს ფოტოლენტაში სურათები შემთხვევის ადგილიდან

პარასკევს საღამოს მიკროსაფინანსო ორგანიზაცია „MBC“-ზე თავდასხმა მოხდა. 17 მძევლის გასათავისუფლებლად სპეცოპერაციას დაახლოებით ოთხი საათი დაჭირდა.

როგორც მოგვიანებით გაირკვა, თავდამსხმელ ლევან ზურაბაშვილს ხელში ეჭირა არა ხელყუმბარა, არამედ ხელყუმბარის ფორმის სანთებელა.

შსს-ში განაცხადეს, რომ სამინისტროსა და დამნაშავეს შორის მოლაპარაკებები რამდენიმე საათის განმავლობაში გაგრძელდა. ზურაბაშვილი ეტაპობრივად ათავისუფლებდა მძევკლებს. შემთხვევის შედეგად არავინ დაშავებულა.

შემთხვევასთან დაკავშირებით აღძრულია სისხლის სამართლის საქმე ორი მუხლით: „ორი ან მეტი ადამიანის მძევლად აყვანა“ და „ცეცხლსასროლი იარაღის უკანონო შენახვა და ტარება“.

მეტი ფოტოლენტა

მთავარი თემები