07:50 21 ოქტომბერი 2019
პირდაპირი ეთერი
  • EUR3.3088
  • 100 RUB4.6461
  • USD2.9718
ფოტო

ლამაზად და გემრიელად: როგორ აღნიშნავდნენ „თბილისობას“ სხვადასხვა წლებში - ფოტო

მოკლე ბმულის მიღება
136 0 0
  • „თბილისობა“ არ ჩატარდებოდა ქარიზმატული მოხუცი მეარღნის გარეშე. მისი ფუმფულა ულვაშები სიკეთეს ასხივებს. ეს1982 წლის მედიდური თბილისია
  • ქართველი ლამაზმანი „თბილისობაზე“ 37 წლის წინ. დაგვეთანხმეთ, ასეთი სამოსი ყოველთვის კოლორიტულია!
  • ფოტო შორეული საბჭოური წარსულიდან. საპატიო სტუმრები თბილისობაზე“ 1983 წელს: კომპარტიის მოსკოვის გორკომის პირველი მდივანი ვიქტორ გრიშინი (მარჯვნივ) და კომპარტიის ცენტრალური კომიტეტის პოლიტბიუროს წევრობის კანდიდატი, საქართველოს კომპარტიის ცენტრალური კომიტეტის პირველი მდივანი ედუარდ შევარდნაძე
  • ქართული ცეკვა „თბილისობა - 1983“
  • ტრადიციულად „თბილისობის“ ყველა ყველაზე კაშკაშა მოვლენა ყოველ წელს სამახსოვროდ აღიბეჭდებოდა ფოტო და კინოფირზე. აი ეს მშვენიერი კადრიც, რომელზეც ვხედავთ კინოოპერატორს დღესასწაულზე
  • 1985 წელი. ფოტოზე თბილისელები ძველი და ახალი თაობაა. ორივე ძალიან ღირსეულად გამოიყურება
  • თბილისობა-1985. აბანოთუბანი. თითქოს გაცოცხლდა გასული საუკუნის „ხანუმას“ და სხვა ცნობილი ნაწარმოების კადრები
  • ისევ 1985 წელი. თბილისელებისთვის და დედაქალაქის სტუმრებისთვის ლეგენდარული და მუდამ ახალგაზრდა ნანი ბრეგვაძე მღერის
  • „თბილისობა 2001“. რესპუბლიკის მოედანზე გაშლილია გემრიელი და სურნელოვანი ბაზრობა. გადაღებულია სასტუმრო „ივერიას“ (Radisson Blu Iveria) ფანჯრიდან. თითქოს და არაფერი შეცვლილა - მწვადების სურნელი მთელს ქალაქში ტრიალებს
  • საქართველოს პრეზიდენტი ედუარდ შევარდნაძე თბილისობაზე 2003 წელს. სახელმწიფოს მეთაური დაცვისა და ბავშვების გარემოცვაშია. შევარდნაძე კარგ ხასიათზეა. „ვარდების რევოლუციამდე“ დარჩენილია ერთი თვე...
  • დედაქალაქის დღე 2004 წელსაც აღინიშნა. კასრები ივსება ყურძნის წვენით, რომელიც დადუღების შემდეგ ოქროსფერი მანავი გახდება
  • ჩოხაში გამოწყობილი ცნობილი ქართველი კინოკრიტიკოსი, პროფესორი გიორგი (გოგი) დოლიძე 2004 წელს. მის გვერდით გოგონა თამარ მეფის სამოსში
  • „თბილისობა-2007“-ს შეუერთდნენ პანტომიმის თეატრის მსახიობები. ერთ კადრში არის ისტორია, სილამაზე და მარადისობა
  • გრანდიოზული ფოიერვერკი თბილისობაზე 2006 წელს. ის ახარებს როგორც ბავშვებს, ისე მოზრდილებს
  • თბილისელი მეარღნე დედაქალაქის დღეს 2007 წელს. მისი ჰანგები მოქალაქეებში ნოსტალგიას იწვევს
  • „თბილისობა-2008“ - მუსიკოსები გოგირდის აბანოების და ღვინის დოქების ფონზე
  • ეს ამაყი, დახვეწილი და ცეცხლოვანი ქართული ცეკვა. მის გარეშე არც ერთ „თბილისობას“ არ ჩაუვლია. 2008 წლის ფოტო
  • 2016 წელი. ქალაქის ისტორიულ ნაწილში, ძველ თბილისში დღესასწაულით ტრადიციულ სამოსში გამოწყობილი გოგონები ტკბებიან
  • „თბილისობა-2017“-ის სცენაზე წარდგა ნორჩი აკრობატი. სპორტი და სანახაობრივი საჩვენებელი გამოსვლები - ქალაქის დღის განუყოფელი ნაწილია
  • „თბილისობა-2017“-ის მონაწილეები - ჯამბაზები, არტისტები და პანტომიმის მსახიობები. მათ სიხარული და დაუვიწყარი ემოციები მოაქვთ
© photo: Sputnik / Sergey Lidov
„თბილისობა“ არ ჩატარდებოდა ქარიზმატული მოხუცი მეარღნის გარეშე. მისი ფუმფულა ულვაშები სიკეთეს ასხივებს. ეს1982 წლის მედიდური თბილისია

გადავინაცვლოთ არც ისე შორეულ წარსულში და გავიხსენოთ, როგორ აღნიშნავდნენ „თბილისობას“ სხვადასხვა წლებში

წელს ყველაზე კაშკაშა, მხიარული და გემრიელი დღესასწაული - „თბილისობა“ 35-ედ აღინიშნება. უყურეთ ფოტოლენტაში, როგორ აღნიშნავდნენ „თბილისობას“ წინა წლებში.

პირველად ეს დღესასწაული შორეულ 1979 წელს, ოქტომბერში იზეიმეს. მაგრამ რთული სოციალურ-ეკონომიკური მდგომარეობის გამო საქართველოში 1989 წლიდან 1994 წლამდე „თბილისობა“ არ გამართულა.

სხვადასხვა წლებში „თბილისობაზე“ ყველაფერი იყო მხიარული, ლამაზი და გემრიელი. მეარღნე, კინტოები, ჩოხაში გამოწყობილი ბავშვები. ღვინით სავსე დოქები, ბლომად ხილი, სურნელოვანი მწვადი, ყვავილები და ულამაზესი ღიმილი.

„თბილისობას“ ტრადიციულად ესწრებოდნენ ხელისუფლების, საზოგადოების წარმომადგენლები, ცნობილია არტისტები, ანსამბლები და დედაქალაქის საპატიო სტუმრები. და ეს დღე ყოველთვის ასახავდა თბილისის მდიდარ მრავალეროვნულ ტრადიციებს, მის კოლორიტს, სულსა და ხასიათს.

თეგი:
საქართველო

მეტი ფოტოლენტა

მთავარი თემები