05:11 17 ნოემბერი 2019
პირდაპირი ეთერი
  • EUR3.2779
  • 100 RUB4.6531
  • USD2.9723
ფოტო

რა დარჩა ამაზონის ჯუნგლებისგან: ტყის ხანძრის საშინელი შედეგები – ფოტო

მოკლე ბმულის მიღება
413 0 0
  • ამაზონის ტყეებიში კვლავ ხანძარია - ჩნდება ახალი კერები
  • ის, რაც ასეთი ხანძრების შემდეგ რჩება, საზარელი სანახავია
  • სულ ცოტა ხნის წინ აქ გაუვალი ტყე იყო, ახლა კი - გადამწვარი მიწაა
  • ამაზონის ტყე რამდენიმე ქვეყნის ტერიტორიაზეა გადაჭიმული, თუმცა მისი უდიდესი ნაწილი ბრაზილიას ეკუთვნის
  • ბრაზილიის კოსმოსური კვლევების ეროვნული ინსტიტუტის მონაცემებით, წლის განმავლობაში ამაზონის ტყის განადგურების ტემპი 88%-ით გაიზარდა
  • ბრაზილიის მთავრობას განზრახ უმოქმედობაში ადანაშაულებენ - ცოტა ხნით ადრე ქვეყნის პრეზიდენტმა განაცხადა, რომ ეკონომიკური საქმიანობისათვის ახალი პლატფორმების გათავისუფლებაა საჭირო
  • პრეზიდენტმა ჟაირ ბოლსონარუმ ბრალდებას ცილისწამება უწოდა და განაცხადა, რომ ტყის ხანძრების უკან „უცხოური არასამთავრობო ორგანიზაციები“ დგანან, თუმცა ამის დამამტკიცებელი საბუთი არ წარმოუდგენია
  • ამ დროისათვის ბრაზილია კვამლმა მოიცვა
  • ეპიცენტრიდან შორს მდებარე რეგიონებშიც კი ძლიერი დაკვამლიანებაა
  • ტყინს ხანძრის გაჩენიდან ორი კვირის შემდეგ ბრაზილიის პრეზიდენტმა თათბირი გამართა და ყველა უწყების ძალების ხანძრის საწინააღმდეგოდ გამოყენების ბრძანება გასცა
  • რთული სათქმელია, რამდენად ეფექტური იქნება მეხანძრეებისა და მაშველების მუშაობა. ხანძარი ამაზონის ტყეში აგვისტოს დასაწყისში გაჩნდა
  • ამავდროულად ბრაზილიამ უარი თქვა საერთაშორისო ფინანსურ დახმარებაზე ამაზონის ტყეში ცეცხლთან საბრძოლველად, რაც ქვეყანას G7 სამიტის შემდეგ შესთავაზეს
© REUTERS / HANDOUT
ამაზონის ტყეებიში კვლავ ხანძარია - ჩნდება ახალი კერები

ხანძარს ამაზონის ჯუნგლებში, რომელსაც „პლანეტის ფილტვებს“ უწოდებენ, აგვისტოს დასაწყისიდან ებრძვიან. სანამ ეძებენ ხანძრის გაჩენაში დამნაშავეებს, კერების რაოდენობა იზრდება. იხილეთ ფოტომასალაში სურათები შემთხვევის ადგილიდან.

ბრაზილიის ზოგიერთ შტატში საგანგებო მდგომარეობა გამოცხადდა. საფრანგეთის პრეზიდენტმა ემანუელ მაკრონმა ბრაზილიის ტყის ხანძარს საერთაშორისო კრიზისი უწოდა. ზოგიერთმა ევროპულმა ქვეყანამ ბრაზილიის პრეზიდენტი ჟაირ ბოლსონარუ და მისი მთავრობა უმოქმედობაში დაადანაშაულა.

ეკოლოგები Greenpeace-დან ხანძრების რაოდენობის ზრდას ბოლსონარუს პოლიტიკასა და დეფორესტაციის მცდელობას უკავშირებენ, რისი მიზანიც ადგილზე ტყის მომპოვებელი მეურნეობების ხელშეწყობა ან ფერმებისთვის მიწის გათავისუფლებაა. მათი მტკიცებით, ბრაზილიის პირველმა პირმა ტროპიკული ტყეების დაცვას ბრაზილიის ეკონომიკური განვითარებისათვის ხელის შეშლა უწოდა.

ბრაზილიის კოსმოსური კვლევების ეროვნული ინსტიტუტის მონაცემებით, წლის განმავლობაში ამაზონიის ტყის განადგურების ტემპი 88%-ით გაიზარდა.

ბრაზილიის პრეზიდენტი, თავის მხრივ, ამტკიცებს, რომ ასეთი ბრალდებები საეჭვოა და მათ ცილისწამებას უწოდებს. ჟაირ ბოლსონარუმ განაცხადა, რომ „ბრაზილიის ტყეებში ხანძარს უცხოური არასამთავრობო ორგანიზაციები აჩენენ“ მისი და მისი მთავრობის წინააღმდეგ საზოგადოების ამხედრების მიზნით. ხანძრის გაჩენიდან ორი კვირის შემდეგ პრეზიდენტმა სპეციალური მიმართვა გაავრცელა და ყველა უწყების ძალები მიმართა ხანძართან საბრძოლველად.

ამ დროისათვის დამწვარია ამაზონის ჯუნგლების 20%-ზე მეტი, რის აღდგენასაც საკმაოდ დიდი დრო დასჭირდება.

მეტი ფოტოლენტა

მთავარი თემები