12:09 16 ოქტომბერი 2019
პირდაპირი ეთერი
  • EUR3.2725
  • 100 RUB4.6078
  • USD2.9701
ფოტო

ქართველი ბაიკერები და მათი თავისებურებები

მოკლე ბმულის მიღება
25910
  • ბაიკერების მაისის მსვლელობა რუსთაველის გამზირზე. ალბათ არავინ ელოდა აქციის მონაწილეთა ასეთ დიდ რაოდენობას
  • აქამდე თბილისში ამდენ ბაიკერს ერთდროულად არასდროს გაუვლია
  • ბოლო წლებში საკმაოდ გაიზარდა მსგავსი სატრანსპორტო საშუალების მძღოლთა რაოდენობა, რომელთა შორისაც მრავლად არიან სუსტი სქესის წარმომადგენლები
  • თუმცა გოგონების ნაწილი ბაიკით უბრალოდ გასეირნებასაც ამჯობინებს
  • ჩოხაში გამოწყობილი ასაკოვანი მამაკაცი სპორტულ ბაიკზე კიდევ უფრო კონტრასტულს ხდის აქციას, რასაც ემოციების დიდი ტალღაც მოყვება. ალბათ ეს მამაკაცი ბაიკით დამოუკიდებლად გასეირნებას ვერ შეძლებს, თუმცა სამახსოვრო ფოტოს გადაღება სავსებით შესაძლებელია
  • საქართველოში ბაიკერების რაოდენობა ყოველდღიურად იზრდება
  • საქართველოში ძვირადღირებულ და იშვიათ ბაიკებსაც შეხვდებით. ეს ალბათ რჩეულთა ხვედრია
  • ახალგაზრდები მოტოციკლებითა და მოპედებით უფრო მარტივად გადაადგილდებიან, თუმცა ვერ ვიტყვით, რომ „მარტივად“ ნიშნავს “იაფს“
  • რუსთაველის გამზირზე გამართული მოტოგადარბენის მონაწილეთა რაოდენობა იმაზე მეტყველებს, რომ ტრანსპორტის ეს სახეობა ბოლო ათი წლის განმავლობაში ძალიან პოპულარული გახდა
  • მოტოციკლებით გატაცება აერთიანებს ადამიანებს. საქართველოში უკვე არსებობს სხვადასხვა მოტოკლუბები და ბაიკერთა ჯგუფები, ასევე ხშირად იმართება შეჯიბრებები მოტოსპორტში
  • მოტოციკლებით თბილისის ქუჩებში სხვადასხვა ასაკის ადამიანები დადიან. აქ მთავარია სურვილი, სიჩქარის სიყვარული და სიამოვნების მიღება
  • მიუხედავად ყველაფრისა, მოტოციკლებით თბილისში გადაადგილება საკმაოდ სარისკოა. გზებზე ყველა ავტომობილისტი თანაბარი ყურადღებით არ გამოირჩევა, ზოგიც კი უბრალოდ გზას არ უთმობს ბაიკერებს
© Sputnik / Alexander Imedashvili
ბაიკერების მაისის მსვლელობა რუსთაველის გამზირზე. ალბათ არავინ ელოდა აქციის მონაწილეთა ასეთ დიდ რაოდენობას

ქართველი ბაიკერების მაისის მსვლელობა რუსთაველის გამზირზე, რომელიც ოჯახის სიწმინდის დღესთან დაკავშირებით გაიმართა, ბევრს დაამახსოვრდება არა მხოლოდ სანახაობრიობით, არამედ მისი მონაწილეების რაოდენობითაც

მართლაც, ათიოდე წლის წინ საქართველოში ბაიკერების რაოდენობა თითებზე ჩამოსათვლელი იყო. თუმცა მას შემდეგ ბევრი რამ შეიცვალა. მოტოციკლები, მოტოროლერები და მოპედები ყოველწლიურად უფრო პოპულარული ხდება და დღეისათვის მათი რაოდენობა ათასობით არის გაზრდილი.

საკურიერო მომსახურებისათვის დღეს საქართველოში უმეტესად მოპედებს იყენებენ. ასევე ხშირად სარგებლობენ მსგავსი ტრანსპორტით ისინი, ვისაც სურს ეკონომია გააკეთოს საწვავზე და თავი აარიდოს საცობებში დგომას. ბაიკერებს შორის შეხვდებით სხვადასხვა ასაკისა და სქესის ადამიანებს.

ასევე უნდა აღინიშნოს, რომ ჯამში მოპედებისა და მოტოროლერების მძღოლებს შორის მრავლად არიან ახალბედები, რომლებიც სულ ახლახანს აღმოჩნდნენ მსგავსი სატრანსპორტო საშუალების საჭესთან და არ აქვთ არავითარი გამოცდილება. ავტომობილისტებს უწევთ გაცილებით უფრო ყურადღებით იყონ, რადგან მოულოდნელად შესაძლოა მათ გვერდით ბაიკერი აღმოჩნდეს.

 

მეტი ფოტოლენტა

მთავარი თემები