ათასობით ადამიანმა მიიღო მონაწილეობა არალეგალი ემიგრანტების წინააღმდეგ გამართულ საპროტესტო აქციაში "ქართველთა მარში". მონაწილეებმა მსვლელობა მოაწყვეს დავით აღმაშენებლის გამზირზე და მიტინგი გამართეს მარჯანიშვილის მოედანზე. იხილეთ "Sputnik-საქართველოს" ფოტოლენტაში, თუ როგორ ჩატარდა საპროტესტო აქცია.
მრავალათასიანი "ქართველთა მარში" იმდენად მასშტაბური იყო, რომ მსვლელობისას აღმაშენებლის გამზირზე საავატომობილო მოძრაობა დროებით გადაიკეტა.
პოლიციამ უსაფრთხოების ზომები გააძლიერა, თუმცა აქციამ შემთხვევების გარეშე ჩაიარა. აქცია 20:00 საათზე დაიწყო და საათზე მეტხანს გაგრძელდა. საპროტესტო აქციას აშუქებდა ათობით მედია, როგორც ქართული, ასევე უცხოური.
ერთ-ერთი პლაკატი "ქართველთა მარშზე", რომელიც პირდაპირ გადმოსცემდა მსვლელობის მონაწილეთა მოთხოვნებს
აქციის ორგანიზატორებმა გამიზნულად შეარჩიეს მარჯანიშვილის გამზირი მსვლელობის გასამართად - აქ დიდი რაოდენობითაა თურქული და ირანული ბარები და კაფეები, ასევე კერძო სასტუმროები
ერთ-ერთ ყველაზე დიდი პლაკატზე ეწერა - "დატოვონ საქართველო მეძავობისთვის და პედოფილიისთვის ჩამოსულმა უცხოელებმა
მრავალათასიანი მსვლელობისას აღმაშენებლის გამზირზე საავტომობილო მოძრაობა გადაიკეტა
არალეგალი მიგრანტების წინააღმდეგ გამართულ საპროტესტო აქციაზე უსაფრთხოებას ასობით პოლიციელი უზრუნველყოფდა
"ქართველთა მარშში" მონაწილეობდნენ სხვადასხვა პოლიტიკური პარტიებისა და არასამთავრობო ორგანიზაციების წარმომადგენლები, საზოგადო მოღვაწეები, ასევე რიგითი მოქალაქეები
მსვლელობის მონაწილეებმა აღმაშენებლის მოედანი ჩაიარეს შეძახილით "საქართველოს გაუმარჯოს!"
აქციის მთავარი ლოზუნგი იყო "დაიცავი საქართველო!"
"ქართველთა მარშის" მონაწილეები აქციის მთავარ სიმბოლოდ დავით აღმაშენებლის ხატს მიასვენებდნენ
აქციის ორგანიზატორების თქმით, ის გამაფრთხილებელი ხასიათისაა და თუ ხელისუფლება ერთი თვის განმავლობაში არ მიიღებს არავითარ ზომებს, მომიტინგეები პროტესტს უფრო რადიკალური ფორმით გამოხატავენ
"ქართველთა მარში" მარჯანიშვილის მოედანზე გამართული მიტინგით დასრულდა
აქციის ორგანიზატორებმა ხწელისუფლებას პეტიცია გააცნეს
აქციის მონაწილეების მოთხოვნები იყო მიგრაციის შესახებ ახალი კანონის დაუყოვნებლივი მიღება, რომელიც საქართველოში ცხოვრების ნებართვის გაცემას და მოქალაქეობის მიღების პირობებს გაამკაცრებს, ასევე საქართველოს ტერიტორიიდან დეპორტირება ყველა არალეგალისა და კრიმინალიტეტის წარმომადგენლებისა, რომლებიც უკანონოდ იმყოფებიან საქართველოს ტერიტორიაზე
ასევე გაჟღერა პოლიტიკური მოთხოვნებიც - ყოფილი მმართველი პარტიის, "ერთიანი ნაციონალური მოძრაობის" საქმიანობის აკრძალვა საქართველოში და არასამთავრობო ორგანიზაციების საზღვარგარეთიდან დაფინანსების შეწყვეტა
სანამ თბილისის ცენტრში მრავალათასიანი "ქართველთა მარში" მიმდინარეობდა, ასობით ადამიანი - როგორც აქციის მონაწილეები, ასევე უბრალოდ გამვლელები, მსვლელობას მობილური ტელეფონებით იღებდნენ
