01:01 18 აპრილი 2021
პირდაპირი ეთერი
  • EUR4.1187
  • 100 RUB4.5355
  • USD3.4363
ეკონომიკა
მოკლე ბმულის მიღება
115 0 0

საქართველოსთვის აუცილებელია ტურიზმის აღდგენა, რათა ქვეყნის ვალუტამ გამყარება დაიწყოს, აღნიშნა ეკონომიკის მინისტრმა.

თბილისი, 30 მარტი – Sputnik. საქართველო გახსნის სახმელეთო საზღვრებს, როგორც კი ამის საშუალებას მისცემს ქვეყანაში არსებული ეპიდემიოლოგიური ვითარება, განაცხადა საქართველოს ეკონომიკისა და მდგრადი განვითარების მინისტრმა ნათია თურნავამ.

ბათუმმა ისრაელიდან პირველი ტურისტები მიიღო – ყველა აცრილია COVID-19-ზე >>

ქვეყნის სახმელეთო საზღვრები უკვე წელიწადზე მეტია დაკეტილია. ქვეყანაში შემოსვლა მხოლოდ საქართველოს მოქალაქეებს შეუძლიათ. 2021 წლის 1 თებერვლიდან საქართველომ მოხსნა ყველა შეზღუდვა რეგულარულ საერთაშორისო ავიამიმოსვლაზე. 

„ჩვენ გავხსნით სახმელეთო საზღვრებს, როგორც კი მოგვეცემა საშუალება ეპიდემიოლოგიური ვითარებიდან გამომდინარე, რათა ტურისტი შემოვიდეს და აქ დახარჯოს რესურსი, უცხოური ვალუტა შემოვიდეს და გაამყაროს ჩვენი ეროვნული ვალუტა“, – განაცხადა ნათია თურნავამ.

მან აღნიშნა, რომ ქვეყნის ეკონომიკა გაძლიერებას საჭიროებს.

„ჩვენ ვაჩქარებთ პრივატიზაციის პროცესს, რათა უცხოური და, ზოგადად, ინვესტიციები შემოვიდეს, რაც ეკონომიკის მდგრადობას განამტკიცებს, ასევე განამტკიცებს ჩვენი ეროვნული ვალუტის მდგრადობას. ეს ერთი ნაბიჯია. მეორე ნაბიჯი არის ტურიზმისთვის მიმოსვლის გახსნა“, – განაცხადა თურნავამ.

საქართველოში ტურიზმის სფერო კორონავირუსის პანდემიის შედეგად ყველაზე მეტად დაზარალდა. 2019 წელს ტურიზმის რეკორდულმა მიღწევებმა, როდესაც საერთაშორისო მოგზაურების რაოდენობამ 9,3 მილიონს გადააჭარბა, ხოლო ტურიზმისგან მიღებულმა შემოსავალმა 3,3 მილიარდ დოლარს მიაღწია, ამ სექტორში დასაქმებული ადამიანები აიძულა 2020 წლისთვის უფრო აქტიურად მომზადებულიყვნენ.

თუმცა პანდემიამ ტურისტული ინდუსტრიის მთელი გეგმები და იმედები დაანგრია – 2020 წელს ტურიზმისგან მიღებული შემოსავალი 427,7 დოლარამდე ჩამოვიდა, ხოლო საქართველოში შემოსული ვიზიტორების რაოდენობა 1,7 მილიონამდე შემცირდა.

მთავარი თემები