19:47 18 იანვარი 2021
პირდაპირი ეთერი
  • EUR4.0033
  • 100 RUB4.4956
  • USD3.2987
ეკონომიკა
მოკლე ბმულის მიღება
ტრანსპორტი საქართველოში (376)
76 0 0

ზემო იმერეთისა და რაჭის დამაკავშირებელი 51 კილომეტრამდე სიგრძის გზა საჩხერიდან იწყება, შვიდ სოფელს გაივლის და ამბროლაური–ონის გზას შეუერთდება.

თბილისი, 22 დეკემბერი – Sputnik. ზემო იმერეთი და რაჭა 2021 წელს ახალი უმოკლესი გზით დაუკავშირდება ერთმანეთს, ნათქვამია საავტომობილო გზების დეპარტამენტის მიერ გავრცელებულ განცხადებაში.

ამჟამინდელი საჩხერე-ონის მარშრუტის სამგზავრო დრო (სიგრძე 111 კმ) დაახლოებით 2 საათია, ხოლო ზემო იმერეთსა და რაჭას შორის ახალი საავტომობილო გზით საჩხერე–ონის მარშრუტის ხანგრძლივობა სულ მცირე 1 საათით შემცირდება. ასევე თბილისიდან ონში მგზავრობის დრო 1,5 საათით შემცირდება და 6 საათის ნაცვლად მგზავრობის დრო 4,5 საათი იქნება.

უწყების ცნობით, ამ ეტაპზე ზემო იმერეთისა და რაჭის დამაკავშირებელი 51 კმ-მდე გზის მშენებლობა–რეკონსტრუქცია მიმდინარეობს. კერძოდ, გზა საჩხერიდან იწყება და გაივლის სოფლებს – სარეკს, ქვემო ხევს, უზუნთას, შქმერს, ბოყვას, კვაშხიეთსა და ზუდალს. საბოლოოდ გზა შეუერთდება ამბროლაური–ონის გზას, რომელიც ქალაქ ამბროლაურიდან დაშორებულია 20 კმ-ით, ხოლო ქალაქ ონიდან – 5 კმ-ით.

გზის დიდი ნაწილი ფაქტობრივად დაუსახლებელ ტყიან ზონაში მდინარე ხეორის ხეობაში გადის და ზღვის დონიდან 1000-1500 მეტრ სიმაღლეზე მდებარეობს. აღნიშნული გზა გრუნტოვანი იყო, პროექტის ფარგლებში კი გზის სრული რეაბილიტაცია მოხდება და ასფალტ-ბეტონის საფარი დაიგება.

პროექტი შვიდ მონაკვეთადაა დაყოფილი. ამ დროისთვის ინტენსიური სამუშაოები 4 ლოტზე ერთდროულად მიმდინარეობს, გზის პირველ და მეორე ლოტებზე სამუშაოები უკვე დასრულებულია. ამ ეტაპზე დაგებულია 10 კილომეტრამდე გზა. დარჩენილ მე-7 ლოტზე ტენდერი გამოცხადებულია და სამუშაოების დაწყება და დასრულება დაგეგმილია 2021 წლისთვის.

„ახალი დამაკავშირებელი გზა გამოაცოცხლებს ლეჩხუმისა და რაჭის რეგიონებს და მათ განვითარებას მნიშვნელოვნად შეუწყობს ხელს“, – აღნიშნულია განცხადებაში.

პროექტის საერთო სავარაუდო ღირებულება 105 მლნ ლარს შეადგენს და მისი დასრულება ეტაპობრივად 2020-2021 წლებში არის დაგეგმილი.

თემები:
ტრანსპორტი საქართველოში (376)

მთავარი თემები