მორიგი დახმარება COVID-19–თან ბრძოლისთვის: ევროკავშირთან ორ შეთანხმებას მოეწერა ხელი

© photo: Sputnik / Stringerსაქართველოსა და ევროკავშირის დროშები
საქართველოსა და ევროკავშირის დროშები - Sputnik საქართველო
გამოწერა
მხარდაჭერა მოიცავს მედიკამენტებს, მოწყვლადი ჯგუფების სოციალურ მხარდაჭერას, გრანტებს ფერმერებისთვის და სხვ.

თბილისი, 29 სექტემბერი – Sputnik. საქართველო მიიღებს 129 მილიონ ევროს, რომელიც ქვეყანას დაეხმარება, გაუმკლავდეს კორონავირუსის აფეთქებას და მის გავლენას ეკონომიკაზე.

ევროკომისარმა სამეზობლო და გაფართოების საკითხებში ოლივერ ვარჰელმა და საქართველოს პრემიერ–მინისტრმა გიორგი გახარიამ ბრიუსელში 129 მლნ ევროზე ორ ფინანსურ შეთანხმებას მოაწერეს ხელი, აღნიშნულია ევროპის კომისიის განცხადებაში.

მამაკაცები ქვეყანაში არსებულ ვითარებას განიხილავენ - Sputnik საქართველო
ვის მოხმარდება თანხა StopCov ფონდიდან

კორონავირუსის პანდემიამ ნეგატიური გავლენა მოახდინა როგორც კერძო სექტორზე, ისე საქართველოს მოქალაქეების სოციალურ მდგომარეობაზე. მთავრობა იძულებული გახდა, მეწარმეებისა და მოაქალაქეების დასახმარებლად, ასევე ეპიდემიის გავრცელების აღმოსაფხვრელად და დაავადებულთა მკურნალობისთვის დამატებითი რესურსები მოეზიდა.

ევროკავშირის დახმარება საქართველოსთვის (პანდემიის დაწყებიდან მოყოლებული) რიგ მოქმედებებს მოიცავს, რაც ითვალისწინებს ქვეყნის მოქალაქეების დახმარებას პანდემიის შედეგებთან გამკლავებაში. მხარდაჭერა მოიცავს მედიკამენტებს, მოწყვლადი ჯგუფების სოციალურ მხარდაჭერას, უპროცენტო სესხებსა და გრანტებს ფერმერებისთვის, ასევე პირდაპირ ფინანსურ მხარდაჭერას სახელმწიფო ბიუჯეტში.

რას ხმარდება გაზრდილი სახელმწიფო ვალი და რა განრიგით მოუწევს ქვეყანას მისი გასტუმრება>>

პირველი შეთანხმების ფარგლებში ევროკავშირი მხარს დაუჭერს საქართველოს ანტიკრიზისულ ეკონომიკურ გეგმას 75 მლნ ევროს ოდენობის გრანტის მეშვეობით.

მზის პანელები - Sputnik საქართველო
9 მილიონის გრანტები სოფლად ბიზნესის განვითარებისთვის – როგორ მოვიპოვოთ

ზომები მოიცავს სოციალურად დაუხცველი ოჯახების სოციალურ დახმარებას, ბიზნესის მხარდაჭერას, რომლებმაც რთულ დროს სამუშაო შეინარჩუნეს. ის ასევე ითვალისწინებს ინტენსიური თერაპიის განყოფილებებში საწოლების რაოდენობის გაზრდას, რათა ქვეყანა მზად იყოს ინფექციის პოტენციური ზრდისთვის.

მეორე შეთანხმებაა „ინტეგრირებული ტერიტორიული განვითარება“, რომლის ფარგლებშიც გრანტების სახით 54 მილიონი ევრო გამოიყოფა. ეს თანხა რეგიონების განვითარებას მოხმარდება. პროგრამა მიმართულია ქალაქის ინფრასტრუქტურის აღდგენასა და მშენებლობაზე, ტურიზმის განვითარების წახალისებასა და მცირე და საშუალო კომპანიებისა და ინოვაციების მხარდაჭერაზე.

ყველა ახალი ამბავი
0