თბილისი, 5 აგვისტო – Sputnik. საქართველოში 2020 წლის იანვარი–ივნისში ექსპლუატაციაში შევიდა 758,8 ათასი კვადრატული მეტრი საერთო ფართობის 810 ობიექტი, ნათქვამია საქართველოს სტატისტიკის ეროვნული სამსახურის „საქსტატის“ პრეს-რელიზში.
2019 წლის პირველ ნახევართან შედარებით, ექსპლუატაციაში შესული ობიექტების ფართობი 44,6%-ით შემცირდა, ხოლო რაოდენობა – 34,5%-ით.
უფრო იაფად, ვიდრე გუშინ, ანუ შეიძინე ბინა და გადმოდი დღესვე!>>
ამ შენობების ნახევარზე მეტი თბილისზე, კახეთსა და იმერეთზე მოდის.
რეგიონების ტოპ-ხუთეული, სადაც ობიექტები ექსპლუატაციაში გადაეცა 2020 წლის პირველ ნახევარში
რეგიონი | ობიექტების რაოდენობა |
წილი ობიექტების საერთო რაოდენობაში, % |
თბილისი | 237 | 29,3 |
კახეთი | 116 | 14,4 |
იმერეთი | 98 | 12,1 |
ქვემო ქართლი | 76 | 9,4 |
სამეგრელო–ზემო სვანეთი | 73 | 9,1 |
საქართველოში 2020 წლის პირველ ნახევარში მუნიციპალურმა ორგანოებმა 2,5 მლნ კვადრატული მეტრის ფართობის ობიექტების მშენებლობაზე 4,2 ათასი ნებართვა გასცეს.
2019 წლის ანალოგიურ პერიოდთან შედარებით, გაცემული ნებართვების რაოდენობა შემცირდა 16,5%-ით, ხოლო სავარაუდო მშენებლობის ფართობი – 26,8%-ით.
როგორია COVID-19-ის გავლენა ეკონომიკაზე? ანუ რეალობა და პერსპექტივა>>
გაცემული ნებართვების საერთო რაოდენობიდან 78,3% ოთხ რეგიონზე – თბილისზე, ქვემო ქართლზე, აჭარასა და იმერეთზე მოდის.
რეგიონების ტოპ-ხუთეული 2020 წლის პირველ ნახევარში გაცემული ნებართვების მიხედვით
რეგიონი | ნებართვების რაოდენობა | წილი ნებართვების საერთო რაოდენობაში, % |
თბილისი | 2 334 | 56,0 |
ქვემო ქართლი | 400 | 9,6 |
იმერეთი | 267 | 6,4 |
აჭარა | 263 | 6,3 |
მცხეთა–მთიანეთი | 250 | 6,0 |
კომპეტენტურმა ორგანოებმა წლის დასაწყისიდან ნებართვა სხვადასხვა სახის შენობების მშენებლობაზე გასცეს: მრავალფუნქციური საცხოვრებელი კომპლექსები, სასტუმროები, სავაჭრო ობიექტები, ქარხნები, სასოფლო-სამეურნეო ობიექტები და ა.შ. ძირითადი ნაწილი მაინც საცხოვრებელ კომპელქსებზე მოდის.