14:43 13 აგვისტო 2020
პირდაპირი ეთერი
  • EUR3.6237
  • 100 RUB4.2107
  • USD3.0785
ეკონომიკა
მოკლე ბმულის მიღება
საქართველოს ეკონომიკა (688)
911 0 0

აღნიშნული თანხები მოხმარდება ურბანული განვითარების, ენერგოეფექტურობის, ტურიზმისა და გარემოს დაცვით პროექტებს.

თბილისი, 31 ივლისი  — Sputnik.  საქართველოს და გერმანიის მთავრობებმა გააფორმეს შეთანხმება, რომელიც ითვალისწინებს საქართველოსთვის დაახლოებით 170 მლნ ევროს ფარგლებში შეღავათიანი სესხისა და 28,5 მლნ ევროს ოდენობით გრანტის  გამოყოფას, ნათქვამია ფინანსთა სამინისტროს განცხადებაში. 

გამოყოფილი სახსრები მოხმარდება ურბანულ განვითარებაზე მიმართული პროექტების, ენერგოეფექტურობის, ტურისტული ინფრასტრუქტურისა და გარემოს დაცვის ღონისძიებების დაფინანსებას.

შესაბამის დოკუმენტს ხელი მოაწერა საქართველოს ფინანსთა მინისტრმა ივანე მაჭავარიანმა და საქართველოში გერმანიის ელჩმა ჰუბერტ ქნირშმა.

აღნიშნული შეთანხმების გაფორმებას წინ უძღვოდა 2019 წლის 6-7 ნოემბერს გამართული სამთავრობო მოლაპარაკებები საქართველოსა და გერმანიის ფედერაციულ რესპუბლიკას შორის განვითარების სფეროში თანამშრომლობის შესახებ.

დღეის მდგომარეობით, ფინანსური და ტექნიკური თანამშრომლობის ფარგლებში, გერმანიის მთავრობამ 1 მლრდ ევროზე მეტი გრანტის, ტექნიკური დახმარებისა და შეღავათიანი სესხის სახით საქართველოში პრიორიტეტული სექტორების  დაფინანსებისთვის გამოყო.

 

თემები:
საქართველოს ეკონომიკა (688)

მთავარი თემები