საქართველოს მაღალმთიანი რეგიონების განვითარებაში დაეხმარებიან

© Sputnik / STRINGERსვანეთის კოშკები
სვანეთის კოშკები - Sputnik საქართველო
გამოწერა
ერთი პროექტის ფინანსური მხარდაჭერის მოცულობა 5 ათასიდან 50 ათას ევრომდე იქნება, კანდიდატის მხრიდან თანადაფინანსება მინიმუმ 10%-ს უნდა შეადგენდეს.

თბილისი, 10 ივლისი – Sputnik. მესტიის, ლენტეხის, ცაგერის, ონის, ამბროლაურის, საჩხერის, ჭიათურისა და ტყიბულის მუნიციპალიტეტებში ტურიზმის სფეროში პროექტებისთვის საგრანტო კონკურსი გამოცხადდა.

საბაზრო მოთხოვნებზე მორგებული ბიზნეს-გარემოს შექმნის მიზნით ევროკავშირმა, შვედეთმა და ავსტრიამ სვანეთის, რაჭა-ლეჩხუმისა და ზემო იმერეთის რეგიონებში სამთო ტურიზმის სექტორში ადგილობრივი განვითარების ინიციატივების მხარდაჭერის შესახებ გამოაცხადეს. დაფინანსების საერთო თანხა 860 ათას ევროს შეადგენს, ნათქვამია საქართველოში ევროკავშირის წარმომადგენლობის ვებ-გვერდზე გავრცელებულ განცხადებაში.

გუდაური - Sputnik საქართველო
მაღალმთიან კურორტებზე საზაფხულო სეზონი იხსნება

ერთ პროექტზე ფინანსური მხარდაჭერის მოცულობის დიაპაზონია 5000-დან 50000 ევროს ჩათვლით. კანდიდატის მხრიდან თანადაფინანსება მთლიანი ბიუჯეტის მინიმუმ 10%-ს უნდა შეადგენდეს. წარდგენილი პროექტის ხანგრძლივობა განსაზღვრულია მინიმუმ 6 თვით და მაქსიმუმ 24 თვით. ყველა დაგეგმილი ღონისძიება დასრულებული უნდა იყოს 2022 წლის 30 სექტემბრამდე.

განაცხადების შეტანის ბოლო ვადაა 3 აგვისტოს 18:00 საათი თბილისის დროით.

კონკურსში მონაწილეობა შეუძლიათ აღნიშნულ მუნიციპალიტეტებში რეგისტრირებულ კომერციულ და არაკომერციულ კომპანიებს ან პირებს, რომლებიც რეგისტრირებული არიან აღნიშნულ სამიზნე რეგიონებში ან რომელთა საქმიანობის ძირითადი ნაწილი პროექტით დაფარულ არეალებში ხორციელდება ან განხორციელდება.

მაღალმთიანი დასახლების სტატუსის მინიჭების კრიტერიუმები იცვლება >>

კონკურსი სტაბილური სამთო ტურიზმისა და ორგანული სოფლის მეურნეობის მხარდაჭერის ოთხწლიანი პროექტის – GRETA-ს ფარგლებში მიმდინარეობს.

GRETA-ს მიზანია განავითაროს ხსენებულ სექტორებში მცირე და საშუალო საწარმოები. პროექტი მოიცავს საქართველოს სამ რეგიონს – ზემო სვანეთს, რაჭასა და ზემო იმერეთს. მისი ღირებულება 6,8 მილიონ ევროს შეადგენს.

ყველა ახალი ამბავი
0