თბილისი, 27 აპრილი - Sputnik. ბაზარზე ჭარბი ნედლი ნავთობის დაგროვების რისკმა ორშაბათს მსოფლიო ბაზრებზე ნედლეულის ფასების ვარდნა გამოიწვია, იუწყება РИА Новости ვაჭრობის შედეგებზე დაყრდნობით.
თბილისის დროით 19:37 სთ-ზე WTI მარკის ერთი ბარელი ნავთობის ივნისის ფიუჩერსი 27,45%-ით გაიაფდა და 12,29 დოლარი შეადგინა.
ივლისის ფიუჩერსების ფასი Brent-ის მარკის ნავთობზე 9,07%-ით გაიაფდა და 22,56 დოლარი შეადგინა, ივნისის ფიუჩერსების ფასი გაიაფდა 11,09%-ით და 19,3 დოლარი შეადგინა.
ინვესტორები ეკონომიკური აქტივობის შემცირების მიზეზად კვლავ კორონავირუსს ასახელებენ, რამაც ნედლეულზე მოთხოვნილების შემცირება გამოიწვია. ამავდროულად, ნავთობის კოტირებებზე ზეგავლენას ახდენს ბაზარზე ნედლეულის სიჭარბე.
