20:21 01 ივნისი 2020
პირდაპირი ეთერი
  • EUR3.5366
  • 100 RUB4.5026
  • USD3.1761
ეკონომიკა
მოკლე ბმულის მიღება
კორონავირუსმა საქართველომდეც მოაღწია: ბოლო ცნობები (849)
92 0 0

საქართველოს ხელისუფლების წარმომადგენლები სომეხ მძღოლებს საზღვრიდან საზღვრამდე ესკორტირებას გაუწევენ და სატვირთოების დეზინფექციას ჩაუტარებენ

თბილისი, 4 მარტი — Sputnik. საქართველო ირანული საქონლით დატვირთული სომხური ტრაილერებისათვის სატრანზიტო მოძრაობას გახსნის, იუწყება Sputnik-სომხეთი.

საქართველოს სახმელეთო ტრანსპორტის სააგენტომ 28 თებერვლიდან ირანის და იტალიის მიმართულებით მგზავრთა და ტვირთების საერთაშორისო გადაზიდვებზე ნებართვების გაცემა შეწყვიტა და არსებული ნებართვების მოქმედება შეაჩერა.

როგორც სომხეთის ეკონომიკის მინისტრის პრესმდივანმა ანა ოგანიანმა განაცხადა, 2 მარტს საქართველოს მთავრობის გადაწყვეტილებით კორონავირუსის გავრცელების პრევენციის პროგრამაში შევიდა ცვლილებები, რომელთა თანახმად ირანული წარმომავლობის საქონელზე დაიშვა ტრანზიტი საქართველოს ტერიტორიის გავლით, მისი ექსკორტირების პირობით.

„სატრანსპორტო საშუალებების მძღოლები, რომლებიც ჯანმრთელობის მსოფლიო ორგანიზაციის მიერ რისკის ზონად აღიარებულ ტერიტორიებზე არიან ნამყოფი, ჩანაცვლდება სხვებზე - რომლებიც რისკის ჯგუფში არ შედიან“, - განაცხადა ოგანიანმა.

საბაჟო ორგანოს უფლებამოსილი პირის ზედამხედველობით განხორციელდება სატრანსპორტო საშუალების სრული დეზინფექცია, ხოლო სატვირთო სატრანსპორტო საშუალების მძღოლი (უცხო ქვეყნის მოქალაქე), რომელიც საბაჟო საზღვარზე შემოსვლისას სატრანსპორტო საშუალებას მართავდა, უკან დაბრუნებას ან, კლინიკური მდგომარეობიდან გამომდინარე, კარანტინს/სამედიცინო დაწესებულებაში მოთავსებას დაექვემდებარება.

„ამჟამად ტექნიკური საკითხების გადასაჭრელად და ზემოაღნიშნული გადაწყვეტილების შესრულების უზრუნველსაყოფად შესაბამისი სამუშაოები მიმდინარეობს“, - განმაცხადა ოგანიანმა.

მისი თქმით, თუ საუბარია სომეხ მძღოლებზე, მათ შეუძლიათ საქართველოს ტერიტორია ქართველი უფლებამოსილი პირების თანხლებით გადაკვეთონ. რუსულ საზღვარზე მსგავსი პრობლემა არ დგას.

დასრულდა სომხეთის პრემიერ-მინისტრის ოფიციალური ვიზიტი საქართველოში >>

წინასწარი მონაცემებით, საქართველოს ხელისუფლება სომხური მხარის მიმართვის შემდეგ ზომების შერბილებაზე წავიდა.

არსებული მონაცემებით, ამ დროისათვის, საქართველოს საზღვარზე დაახლოებით 20 სატვირთო დგას. ტრაილერების ნაწილი ერევანში დაბრუნდა.

თემები:
კორონავირუსმა საქართველომდეც მოაღწია: ბოლო ცნობები (849)

მთავარი თემები