20:07 31 მარტი 2020
პირდაპირი ეთერი
  • EUR3.6363
  • 100 RUB4.1226
  • USD3.2845
ეკონომიკა
მოკლე ბმულის მიღება
საქართველოს ეკონომიკა (501)
126 0 0

ახალი სტრუქტურის შექმნაზე საქართველოს სახელმწიფო ბიუჯეტიდან 1,2 მილიონი ლარი გამოიყო. სააგენტოს აპარატში 35 ადამიანი იმუშავებს.

თბილისი, 10 იანვარი — Sputnik. საქართველოში ფუნქციონირება დაიწყო ახალმა სტრუქტურამ – ბაზარზე ზედამხედველობის სააგენტომ, იუწყება პირველი არხი.

შესაბამისი შესწორებები „პროდუქტის უსაფრთხოებისა და თავისუფალი მიმოქცევის კოდექსში“ შევიდა. სააგენტო საქართველოს ეკონომიკისა და მდგრადი განვითარების სამინისტროს შემადგენლობაში შედის. ახალი სტრუქტურა გააკონტროლებს ბაზრებს, მაგალითად, სამშენებლო მასალების – არმატურებს, ცემენტს, ელექტროკაბელებს. კონტროლი ასევე შეეხება სათამაშოებისა და ასაფეთქებელი ნივთიერებების ბაზრებს.

სააგენტოს უფლება აქვს, შეამოწმოს დოკუმენტების მასალებთან შესაბამისობა, ხოლო აუცილებლობის შემთხვევაში – უზრუნველყოს ბაზრიდან საფრთხის შემცველი პროდუქტების ამოღება.

ამ დრომდე განსაკუთრებული მნიშვნელობის ობიექტებზე ნებართვის გაცემასა და ზედამხედველობას, მომეტებული ტექნიკური საფრთხის შემცველი ობიექტების ინსპექტირებასა და პროდუქტის ბაზარზე ზედამხედველობას ახორციელებდა ერთი და იგივე ორგანო – საქართველოს ეკონომიკისა და მდგრადი განვითარების სამინისტროს ტექნიკური და სამშენებლო ზედამხედველობის სააგენტო.

თუმცა, როგორც კანონპროექტის განმარტებით ბარათში აღნიშნული, თავისი არსით განსაკუთრებული მნიშვნელობის ობიექტებზე ნებართვის გაცემა და მშენებლობის ზედამხედველობა, ასევე ექსპლუატაციაში გაშვებული მომეტებული ტექნიკური საფრთხის შემცველი ობიექტების ინსპექტირება არსებითად განსხვავდება პროდუქტის ბაზარზე ზედამხედველობისგან.

ჯანმრთელობისთვის საშიში სათამაშოები ქართულ ბაზარზე>>

საკანონმდებლო ცვლილებებით შეიქმნა ახალი სტრუქტურა, რომელსაც აქვს პროდუქციის ზედამხედველობის ფუნქცია არასასურსათო ბაზარზე.

ახალი სტრუქტურის ფუნქციონირებისთვის 2020 წლის სახელმწიფო ბიუჯეტიდან 1,2 მლნ ლარია გამოყოფილი. სტრუქტურაში 35 ადამიანი იმუშავებს.

თემები:
საქართველოს ეკონომიკა (501)

მთავარი თემები