თბილისი, 25 თებერვალი — Sputnik. საქართველოს ხელისუფლება 800 ათას მცირე მიწიან ფერმერს დაეხმარება საგაზაფხულო სამუშაოების ჩატარებაში, პროექტის რეალიზაცია თებერვალში დაიწყება და 1 დეკემბერს დასრულდება, იტყობინება საქართველოს სოფლის მეურნეობის სამინისტრო.
მთავრობამ გადაწყვიტა „მცირემიწიან ფერმერთა საგაზაფხულო სამუშაოების ხელშეწყობის პროექტი“ განაგრძოს 2016 წელსაც. პროექტის ბიუჯეტი 48 მილიონი ლარია.
პროექტის ფარგლებში მოხვნა დაიწყეს უკვე კახეთის, შიდა ქართლის, ქვემო ქართლის რეგიონში.
ბენეფიციარები, რომლებსაც გააჩნიათ 0.25-დან 1.25 ჰექტარის ჩათვლით სახნავი მიწის ფართობი მიიღებენ ხვნის ბარათს, 1 ჰექტარზე 140 ლარის გაანგარიშებით
ფერმერები, რომელთაც საკუთრებაში აქვთ 0.25 მდე მიწის ფართობი წელს ისარგებლებენ 50-ლარიანი აგრობარათით
ბენეფიციარები, რომლებიც 0.25-დან 1.25 ჰექტარის ჩათვლით მიწის ფართობს იყენებენ მრავალწლიანი კულტურების წარმოებისთვის მიიღებენ 1 ჰექტარზე 140 ლარის ოდენობის სასოფლო სამეურნეო საქონელს.
