16:12 12 ივნისი 2021
პირდაპირი ეთერი
  • EUR3.8523
  • 100 RUB4.4253
  • USD3.1701
კულტურა
მოკლე ბმულის მიღება
საქართველო და კულტურა (1115)
48 0 0

ყველასათვის საყვარელ რეჟისორს, სცენარისტს, მწერალსა და მხატვარს საზოგადოება ხუთშაბათს, 10 ივნისს გამოემშვიდობება.

თბილისი, 8 ივნისი – Sputnik. დიდ ქართველ ხელოვანს რეზო გაბრიაძეს 10 ივნისს მთაწმინდის პანთეონში დაკრძალავენ.

ცნობილი მხატვარი, სცენარისტი, რეჟისორი და მოქანდაკე, თბილისის მარიონეტების თეატრის დამაარსებელი რეზო გაბრიაძე 6 ივნისს გარდაიცვალა.

ქართველი ხელოვანის სამოქალაქო პანაშვიდები 8 და 9 ივნისს გაბრიაძის მარიონეტების თეატრში 16:00-დან 20:00 საათამდე გაიმართება.

რეზო გაბრიაძის ცხედარს დაკრძალვის დღეს 15:00 საათზე ანჩისხატის ტაძრიდან გამოასვენებენ.

გამოჩენილი მხატვარი, სცენარისტი, რეჟისორი და მოქანდაკე, თბილისის მარიონეტების თეატრის დამაარსებელი (1981) რეზო გაბრიაძე 1936 წელს ქუთაისში დაიბადა. რეზო გაბრიაძე იყო ავტორი 35-ზე მეტი ფილმის სცენარის, მათ შორისაა ბევრისთვის საყვარელი „არაჩვეულებრივი გამოფენა“, „სერენადა“, „არ დაიდარდო“, „ქვევრი“, „ფეოლა“, „შერეკილები“, „მიმინო“ და სხვა. ყველა ეს ფილმი ქართული კინემატოგრაფიის კლასიკად იქცა.

გაბრიაძე არის სსრკ-ის სახელმწიფო პრემიის (1989), რუსთაველის პრემიის, „ნიკას“, „ტრიუმფის“, „ოქროს ნიღბის“ პრემიების ლაურეატი. ასევე ის არის საფრანგეთის რესპუბლიკის ხელოვნებისა და ლიტერატურის ორდენის კავალერი.

თემები:
საქართველო და კულტურა (1115)

მთავარი თემები