06:29 13 ივნისი 2021
პირდაპირი ეთერი
  • EUR3.8523
  • 100 RUB4.4253
  • USD3.1701
კულტურა
მოკლე ბმულის მიღება
10910

100 წლისთავისადმი მიძღვნილ იუბილეზე მსახიობები კოლეგებმა და მეგობრებმა გაიხსენეს. ღონისძიებაზე წარმოდგენილი იყო მასალები მსახიობების მოღვაწეობის შესახებ.

თბილისი, 13 მაისი – Sputnik. რუსთაველის ეროვნულ თეატრში ქართული თეატრისა და კინოს ცნობილი მსახიობების – მედეა ჩახავას, სალომე ყანჩელისა და მარინე თბილელის დაბადებიდან 100 წლისთავისადმი მიძღვნილი საღამო გაიმართა.

მედეა ჩახავა
ეროვნული ბიბლიოთეკა
მედეა ჩახავა

საღამოზე წარმოდგენილი იყო საარქივო მასალა, რომელიც სამი ქართველი მსახიობის შემოქმედებასა და მოღვაწეობას ასახავდა. ღონისძიებაზე გამოჩენილი არტისტები კოლეგებმა და მეგობრებმა გაიხსენეს.

სალომე ყანჩელი
სალომე ყანჩელი

„შევეცადეთ გაგვეხსენებინა ეს სამი არაჩვეულებრივი არტისტი. დარწმუნებული ვარ, რომ მათი სულები ახლა რუსთაველის თეატრში ტრიალებს და ბედნიერები არიან დღევანდელი დღით. ჩვენც ბედნიერები ვართ, რომ ამის შესაძლებლობა გვაქვს“, – განაცხადა თეატრმცოდნე ნიკა წულუკიძემ.

მარინე თბილელი და აკაკი დვალიშვილი
მარინე თბილელი და აკაკი დვალიშვილი

საიუბილეო საღამო თბილისის მერიის მხარდაჭერით ჩატარდა.

საქართველოს სახალხო არტისტები მედეა ჩახავა, სალომე ყანჩელი და მარინე თბილელი რუსთაველის თეატრში მოღვაწეობდნენ. მედეა ჩახავა გადაღებულია ისეთ ცნობილ მხატვრულ ფილმებში როგორიცაა, „ჭრიჭინა“, „ბაში-აჩუკი“, „მხიარული რომანი“ და სხვ. არანაკლებ ცნობილ ქართულ ფილმში მონაწილეობდნენ სალომე ყანჩელი და მარინე თბილელიც.

მთავარი თემები