Mercedes-Benz Fashion Week Tbilisi მოდის მოყვარულებს ონლაინ–ჩვენებას სთავაზობს

© photo: Sputnik / STRINGERდიზაინერი Salome. მოდის კვირეული Mercedes-Benz Fashion Week Tbilisi
დიზაინერი Salome. მოდის კვირეული Mercedes-Benz Fashion Week Tbilisi - Sputnik საქართველო
გამოწერა
თავიანთ ახალ კოლექციებს მთელ მსოფლიოს ვირტუალურ სივრცეში საქართველოს ყველაზე საინტერესო დიზაინერები და ბრენდები აჩვენებენ.

თბილისი, 29 ოქტომბერი – Sputnik. დედაქალაქის ერთ-ერთი ყველაზე დიდი მოვლენა მოდის სამყაროში Mercedes-Benz Fashion Week Tbilisi ონლაინ–ფორმატში 19–22 ნოემბერს გაიმართება, წერს Hammock Magazine.

კვირეულში მონაწილეობისთვის უკვე შერჩეულია ოცი დიზაინერი, რომლებიც მსოფლიო აუდიტორიას თავიანთ ბოლო კოლექციებს შესთავაზებენ. ონლაინ–პლატფორმა Mercedes-Benz Fashion Week Tbilisi-ს ჩატარების დღეებში იქნება ხელმისაწვდომი და მასზე ნებისმიერი მსურველი შეძლებს მთელი მულტიმედიური კონტენტის, დიზაინერების ბლოგების, ინტერვიუებისა და კულისებს მიღმა მომენტების ნახვას.

გარდა ამისა, COVID-19-ით გამოწვეული ეკონომიკური კრიზისის გამო Mercedes-Benz Fashion Week Tbilisi-მ Georgia Fashion Foundation-თან თანამშრომლობით დააფუძნა Factory – Art & Culture Center, რომელიც ხელოვნებისა და კულტურის მთავარი ცენტრი გახდება.

დიზაინერ Vaska-ს ჩვენება Mercedes-Benz Fashion Week Tbilisi-ს ფარგლებში - Sputnik საქართველო
„მხოლოდ უძლიერესები გადარჩებიან“ – საქართველოს მოდის ინდუსტრია და პანდემია

ახალი სივრცე Coca-Cola-ს ყოფილ ფაბრიკაში მოეწყობა. ამ კონცეფციის მონაწილეები იქნებიან დიზაინერები, ფოტოგრაფები და მხატვრები. ყველა შეძლებს საკუთარი ნამუშევრების გამოფენას გალერეაში, საგამოფენო პროექტების ორგანიზებას, სახელოსნოებში მუშაობას. პროექტის მიზანია საქართველოში შემოქმედებითი ინდუსტრიის დახმარება.

პროექტის ფარგლებში შეიქმნა საკონსულტაციო საბჭო დარგის გავლენიანი წარმომადგენლების შემადგენლობით, რომელიც ადგილობრივ ბრენდებს ეკონომიკური არასტაბილურობის პერიოდში განვითარებაში დაეხმარება. ამ საბჭოს წევრებს შორის არის ქართული წარმოშობის ცნობილი დიზაინერი David Koma (დავით კომახიძე).

დავეხმაროთ ხელოვნებას: საქართველო შეუერთდა კამპანიას Culture is not cancelled>>

Mercedes-Benz Fashion Week – ესაა მოდის საერთაშორისო კვირეულების სერია, რომელიც Mercedes-Benz-მა დააარსა. ის ყოველწლიურად ტარდება მსოფლიოს სხვადასხვა ქვეყანაში, მათ შორის – რუსეთში, გერმანიაში, აშშ-ში, თურქეთში, ავსტრალიაში და სხვ.

ყველა ახალი ამბავი
0