თბილისი, 25 ივლისი - Sputnik. საქართველოს ეროვნული არქივის საგამოფენო პავილიონში საარქივო ფოტოების გამოფენა „საქართველოს კურორტები“ მიმდინარეობს.
აქ წარმოდგენილია 1920-2000 წლებში გადაღებული სხვადასხვა ქართული კურორტის ფოტოები. დამთვალიერებლები ნახავენ საქართველოს ბუნების შესანიშნავ კადრებს და შავი ზღვის უნიკალურ პანორამებს. ფოტოებზე ასევე ასახულია მახინჯაურის, წყალტუბოს, აბასთუმნის, ბორჯომის და სხვა კურორტების ტურისტული ბაზები, დასასვენებელი სახლები და სანატორიუმები.
ორგანიზატორებმა ასევე იზრუნეს უსაფრთხოებაზე კორონავირუსის პანდემიასთან დაკავშირებით და დამთვალიერებლებს შესთავაზეს გაეცნონ იმ შეზღუდვებსა და რეკომენდაციებს, რომლებიც გამოფენაზე მოქმედებს.
საგამოფენო პავილიონში ექსპოზიცია სექტემბრამდე გასტანს.
ეროვნული არქივის თანამედროვე საგამოფენო სივრცე 2-16 წელს გაიხსნა. იმ დროიდან აქ გაიმართა დაახლოებით 60 გამოფენა, რომელიც 10 ათასზე მეტმა ადამიანმა დაათვალიერა.
