17:46 26 მაისი 2020
პირდაპირი ეთერი
  • EUR3.4801
  • 100 RUB4.4615
  • USD3.1916
კულტურა
მოკლე ბმულის მიღება
საქართველო და კულტურა (821)
55 0 0

თბილისელ მაყურებელს ელოდება შექსპირის ცნობილი პიესის ინტერპრეტირებული დადგმა, რომელიც ინოვაციური ქორეოგრაფიის, გამორჩეული ტექნიკის და საოპერო გამოხატულებების შერწყმას წარმოადგენს.

თბილისი, 5 დეკემბერი — Sputnik. ჩინეთის პროვინცია ანჰოის ნაციონალური საოპერო თეატრი (Anhui Provincial Hunijing Theatre) თბილისში შექსპირის პიესა „მაკბეტის“ მიხედვით დადგმულ სპექტაკლს წარმოგიდგენთ, ნათქვამია რუსთაველის თეატრის Facebook-გვერდზე გავრცელებულ განცხადებაში.

თბილისის შოთა რუსთაველის სახელმწიფო აკადემიური თეატრის დიდ სცენაზე სპექტაკლს ჩინელი მსახიობები 14 და 15 დეკემბერს ითამაშებენ. 

 „ამ წარმოდგენამ გააოცა პეკინი და მსოფლიოს უჩვენა ინოვაციური იდეებისა და შეუცვლელი უნიკალური ტრადიციის თანხვედრა“, – ნათქვამია ანოტაციაში.

სპექტაკლში მსახიობები სხვადასხვა მხატვრული ხერხებით შინაარსის გადმოსაცემად ინოვაციურ მიდგომას იყენებენ.

საოპერო თეატრის დადგმა მოიცავს ტექნიკურად რთულად შესასრულებელ აკრობატულ ილეთებს. განსაკუთრებული ადგილი ეთმობა არტისტების მიმიკასა და ჟესტებს.

როგორც ყველა ჩინური თეატრი, ანჰოის პროვინციის ნაციონალური თეატრიც განსაკუთრებულ ყურადღებას უთმობს მსახიობების გრიმს, რაც მაყურებელს ეხმარება უკეთ შეიცნოს გმირების ხასიათი.

სპექტაკლზე დასასწრები ბილეთების შეძენა შესაძლებელია საიტზე biletebi.ge.

 

თემები:
საქართველო და კულტურა (821)

მთავარი თემები