18:52 09 აგვისტო 2020
პირდაპირი ეთერი
  • EUR3.6356
  • 100 RUB4.1811
  • USD3.0758
კულტურა
მოკლე ბმულის მიღება
საქართველო და კულტურა (890)
66 0 0

თუმანიშვილის ფონდი 1998 წლის 27 მარტს, თეატრის საერთაშორისო დღეს შეიქმნა. მისი დამფუძნებელი და ხელმძღვანელია მანანა ანთაძე

თბილისი, 4 დეკემბერი — Sputnik. საქართველოს განათლების, მეცნიერების, კულტურისა და სპორტის სამინისტროში თუმანიშვილის ფონდის მიერ დაფუძნებული კონკურსის „ახალი ქართული პიესა 2019" გამარჯვებულები გამოვლინდნენ, ნათქვამია უწყების მიერ გავრცელებულ განცხადებაში.

ქართული თეატრები „დურუჯი 2019“-ის პრემიისთვის ბრძოლას იწყებენ>>

კონკურსის მიზანი თანამედროვე ორიგინალი და ნათარგმნი პიესების გამოვლენა, ავტორების წახალისება და, ამავდროულად, თეატრების რეპერტუარის გამდიდრებაა.

სამინისტროს ცნობით:

  • I პრემია გადაეცა ანამარია გურგენიშვილს პიესისთვის „ბოიციდი".
  • II პრემია - დავით ტურაშვილს პიესისთვის - „არის ასეთი ქალაქი"
  • III პრემია - გურამ მაცხონაშვილს პიესისთვის - Asap.

სამივე გამარჯვებულს გადაეცა ფულადი პრემიები და ფონდის პრიზი „თუმანიშვილის ვაშლი". გარდა ამისა. „თუმანიშვილის ვაშლი" - დამატებითი პრიზი – განსაკუთრებულად საინტერესო ნაშრომისთვის პროექტის მონაწილე გოგი ყაჯრიშვილს გადაეცა.

თუმანიშვილის ფონდმა პროექტი „ახალი დრამატურგია" 2006 წელს დაიწყო. ის ორი კონკურსისაგან შედგება - „ახალი ქართული პიესა" და „თარგმნილი პიესა". კონკურსები ყოველწლიურია და მონაცვლეობით ტარდება.

კონკურსი „ახალი ქართული პიესა 2019" წელსაც საქართველოს განათლების, მეცნიერების, კულტურისა და სპორტის სამინისტროს მხარდაჭერით გაიმართა. უწყების ცნობით, ქართულ თეატრალურ სამყაროს 500-ზე მეტი ახალი პიესა შეემატა, რომელთა დიდი ნაწილი თეატრებში უკვე დადგმულია.

თუმანიშვილის ფონდი 1998 წლის 27 მარტს, თეატრის საერთაშორისო დღეს შეიქმნა. მისი დამფუძნებელი და ხელმძღვანელია მანანა ანთაძე.

თემები:
საქართველო და კულტურა (890)

მთავარი თემები